Enski boltinn

Dómurunum sagt að nota Varsjána á hliðarlínunni

Óskar Ófeigur Jónsson skrifar
Michal Oliver skoðar varsjána í leik Crystal Palace og Derby County.
Michal Oliver skoðar varsjána í leik Crystal Palace og Derby County. Getty/ Charlotte Wilson

Dómararnir í ensku úrvalsdeildinni í knattspyrnu hafa nú fengið þau fyrirmæli að þeir eigi að nota skjáina á hliðarlínunni þegar koma upp ákveðin atvik sem þarf að skoða betur í Varsjánni.

Þetta á við þegar um möguleg rauð spjöld eru að ræða en dómararnir eiga þá að meta það sjálfir með hjálp myndbandanna hvort leikmaður eigi að fá rautt spjald eða ekki.

Eina skiptið sem dómarar hafa notað skjá á hliðarlínunni til að meta hvort um rautt spjald var að ræða var þegar Michael Oliver breytti gulu spjaldi Luka Milivojevic í rautt í bikarleik Crystal Palace og Derby County.


Arsenal-maðurinn Pierre-Emerick Aubameyang var rekinn af velli á móti Crystal Palace 11. janúar síðastliðinn þökk sé ráðleggingu VAR dómarans en dómari leiksins skoðaði ekki atvikið sjálfur.

Paul Tierney hafði gefið Aubameyang fyrst gult spjald fyrir brot á Max Meyer en Varsjádómarinn vildi að hann breytti því í rautt sem og Tierney gerði það.

Það er mat forráðamanna ensku úrvalsdeildarinnar að í slíkum tilfellum sé best fyrir dómarann sjálfan að fara að skoða viðkomandi atvik. Það sé síðan undir dómaranum komið að taka þessa lokaákvörðun um hvort var rautt spjald eða ekki.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.