Erlent

Gígurinn í Beirút 43 metra djúpur

Atli Ísleifsson skrifar
158 manns hið minnsta fórust í sprengingunni.
158 manns hið minnsta fórust í sprengingunni. EPA

Sprengingin sem varð í líbönsku höfuðborginni Beirút á þriðjudag var álíka kröftug og minni jarðskjálfti sem varð til þess að fólk fann fyrir henni í margra tugra kílómetra fjarlægð.

Gígurinn sem myndaðist á hafnarsvæðinu hefur nú mælst vera 43 metra djúpur, að því er AFP hefur eftir heimildarmönnum innan líbanska stjórnkerfisins.

Gervihnattamyndir sýna að nú megi finna stóra holu, fyllta af sjó, á þeim stað þar sem sprengingin varð.

Gígurinn sem myndaðist er nú fullur af sjó.EPA

Alls fórust rúmlega 150 manns í sprengingunni, fimm þúsund særðust og er fjölda enn saknað. Þá misstu um 300 þúsund manns heimili sín.

Sprengingin varð í vöruhúsi þar sem verið var að geyma ammóníum nítrat sem notað er í áburð og sprengiefni.

Koma saman á símafundi

Fjöldi leiðtoga ríkja heims munu í dag ræða saman á símafundi og skipuleggja fjársöfnun fyrir Líbani sem glíma nú við afleiðingar sprengingarinnar.

Það eru frönsk stjórnvöld og Sameinuðu þjóðirnar sem eiga frumkvæði að söfnuninni, en Donald Trump Bandaríkjaforseti er einn þeirra sem mun taka þátt á fundinum. 

Í frétt BBC segir að tjónið sé metið á 15 billjónir Bandaríkjadala.


Tengdar fréttir

Ætlar að boða til snemmbúinna kosninga

Kröftug mótmæli hafa brotist út í líbönsku höfuðborginni Beirút eftir sprenginguna sem varð í borginni síðasta þriðjudag. Sprengingin kostaði að minnsta kosti 158 manns lífið og má rekja hana til ammóníum-nítrats sem hafði verið geymt í miklu magni í geymslu á hafnarsvæði borgarinnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×