Vilja hefja flug milli Bandaríkjanna og Evrópu á ný

Gunnar Reynir Valþórsson skrifar 22. júlí 2020 07:46

Stjórnendur British Airways og Lufthansa eru á meðal þeirra sem rita bréfið. Vísir/Getty

Stjórnendur stærstu flugfélaga heimsins hafa tekið sig saman og ritað bréf til stjórnvalda í Bandaríkjunum og Evrópu þar sem þau eru hvött til að finna leiðir til að koma farþegaflugi á milli Bandaríkjanna og Evrópu á réttan kjöl á ný.

Kórónuveirufaraldurinn hefur að mestu lamað ferðalög á milli álfana og stjórnendurnir hvetja nú ríkisstjórnir til að koma sér saman um kerfi skimana fyrir kórónuveirunni svo unnt verði að ferðast á ný.

Flugfélögin sem um ræðir eru meðal annarra British Airways, United Airlines og Lufthansa.

Bréfið var sent á Mike Pence varaforseta Bandaríkjanna og Ylvu Johannson, innanríkismálastjóra Evrópusambandsins. Bandaríkjamenn komast ekki til Evrópu eins og stendur og sömu sögu er mestmegnis að segja af Evrópumönnum sem komast vilja til Bandaríkjanna.

Fréttir af flugi Bandaríkin Evrópusambandið

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.