Aceton-leit í Bauhaus styrkti grun um fíkniefnaframleiðslu Sylvía Hall skrifar 8. júlí 2020 15:47 Fólkið var handtekið í aðgerðum lögreglu í og við Hvalfjarðargöng í lok febrúar. Vísir/vilhelm Tveir þeirra sem dæmdir voru fyrir amfetamínframleiðslu og umhverfisspjöll í Hvalfjarðargangamálinu svokallaða í héraðsdómi Reykjavíkur í morgun höfðu leitað að acetone í verslun Bauhaus sem þótti styðja grunsemdir lögreglu um fyrirhugaða amfetamínframleiðslu þeirra. Lögreglu hafði áður borist upplýsingar um að annar þeirra væri að undirbúa framleiðslu sterkra fíkniefna og hafði verið gripið til þeirra ráða að hlusta síma annars þeirra. Þetta kemur fram í niðurstöðum dómsins en mennirnir, Grzegorz Marcin Krzton og Jakub Pawel Rzasa voru dæmdir í þriggja og fjögurra ára fangelsi. Bartlomiej Szelengiewicz, Dawid Stanislaw Dolecki, Krzystof Sieracki og Jaroslava Davíðsson voru einnig dæmd í þriggja til fjögurra ára fangelsi vegna amfetamínframleiðslunnar sem fór fram í sumarhúsi í Borgarfirði. Aðeins Grzegorz og Jaroslava höfðu ekki gerst sek um refsiverða háttsemi áður, fyrir utan umferðarlagabrot Jaroslövu sem höfðu ekki áhrif við ákvörðun refsingar hennar. Var hún dæmd til þriggja ára fangelsisvistar vegna málsins. Meiriháttar umhverfisspjöll Þrír mannanna voru ákærðir fyrir brot gegn lögum um umhverfisvernd með því að hafa sturtað afgangsefnum úr framleiðslunni í náttúruna í kringum sumarhúsið. Mynd var tekin af tveimur ákærðu þegar þeir voru að losa úrganginn. Þrátt fyrir að frekari sönnunargögn lágu ekki fyrir þótti fullvíst að mennirnir höfðu losað úrganginn í náttúruna og að þriðji maður, Krzysztof, hafi tekið þátt í þeim verknaði. Um skaðlegt efni væri að ræða og því skýrt brot gegn lögum um umhverfisvernd. Dómur féll í héraðsdómi Reykjavíkur í morgun.Vísir/Vilhelm Jaroslava mátti vita af amfetamínframleiðslunni Jaroslava Davíðsson, eiginkona Geira á Goldfinger, var handtekinn í aðgerðum lögreglu þann 29. febrúar við Hvalfjarðargöng. Í dómnum segir að hún hafi farið í tvígang með Jakub í sumarhúsið og í fyrra skiptið hafi verið varningur í bifreið hennar sem tengdist framleiðslunni. Í seinna skiptið sem hún fór í sumarhúsið var fíkniefnið sett í bifreið hennar sem leiddi til þess að „kemískt“ lykt var í bifreiðinni. Þá fór hún einnig í tvígang út á flugvöll að sækja hina mennina sem komu hingað til lands til þess að framleiða fíkniefni og lánaði þeim bifreið sína. Taldi dómurinn hafið yfir vafa að hún hafi verið þátttakandi í framleiðslunni og henni hafi verið kunnugt um framleiðsluna frá upphafi. Var hún því sakfelld fyrir stórfellt fíkniefnalagabrot og þátttöku í skipulagðri brotastarfsemi. Losuðu sig við ruslapokana við Goldfinger Í niðurstöðu dómsins kemur fram að ákærðu tjáðu sig takmarkað um atvik málsins og lýstu þau Grzegorz og Jaroslava því yfir að þau hefðu hvorki tekið þátt í framleiðslunni né vitað af henni. Þá var talið sannað að þeir Bartlomiej, Dawid og Krzysztof hafi komið til landsins til þess eins að framleiða fíkniefni. Jakub hafði keypt flugmiða fyrir þá í þeim tilgangi en þeir Bartlomiej og Dawid komu til landsins þann 27. febrúar, tveimur dögum fyrir handtökuna. Krzystof hafði komið þremur dögum fyrr. Eftir að mennirnir höfðu komið til landsins keyptu þeir ýmsa muni fyrir framleiðsluna, til að mynda whire sprit og plastfilmu. Fóru þeir í kjölfarið í sumarhúsið ásamt Jaroslövu, sóttu þar tvo svarta ruslapoka sem voru settir í bifreiðina og óku aftur til Reykjavíkur. Jakub losaði sig við ruslapokana í ruslagám við Goldfinger í Kópavogi. Við handtökuna í og við Hvalfjarðargöngin fundust tæplega tvö kíló af amfetamíni á styrkleikabilinu 34 til 66 prósent. Þá var einnig lagt hald á rúmlega kíló af amfetamíni á styrkleikabilinu 1,7 til 3,2 prósent. Bíll Jaroslövu var jafnframt gerður upptækur, BMW bifreið með einkanúmerinu JARA ásamt úðavopni og tveimur rafbyssum. Voru þau dæmd til þess að greiða sameiginlega tæplega 3,6 milljónir í sakarkostnað. Dómsmál Hvalfjarðargöng Pólland Mest lesið 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent Ákærð fyrir að bana föður og tilraun til að bana móður Innlent Fjöldi ferðamanna slíkur að rotþróin ræður ekki við það Innlent „Hann stal henni“ Erlent Lögreglan leitar þessara manna Innlent Veðurspáin fyrir helgina að skána Innlent Langþreyttur á bensínbrúsum og „bílakirkjugarði“ Innlent Pokrovsk riðar til falls Erlent Vill greiða sex milljarða tryggingu til að losna úr haldi Erlent Stöðfirðingar þreyttir á ferðamönnum sem geri þarfir sínar um allan bæ Innlent Fleiri fréttir Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Fjallabaksleið syðri lokuð vegna vatnavaxta Engin nóróveira í Laugarvatni Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Brennisteinsdíoxíð gæti borist um suðvesturhornið Ísland og Palestína gera samkomulag um samstarf Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Samstarfið við Íra og Frakka tímafrekt Sjá meira
Tveir þeirra sem dæmdir voru fyrir amfetamínframleiðslu og umhverfisspjöll í Hvalfjarðargangamálinu svokallaða í héraðsdómi Reykjavíkur í morgun höfðu leitað að acetone í verslun Bauhaus sem þótti styðja grunsemdir lögreglu um fyrirhugaða amfetamínframleiðslu þeirra. Lögreglu hafði áður borist upplýsingar um að annar þeirra væri að undirbúa framleiðslu sterkra fíkniefna og hafði verið gripið til þeirra ráða að hlusta síma annars þeirra. Þetta kemur fram í niðurstöðum dómsins en mennirnir, Grzegorz Marcin Krzton og Jakub Pawel Rzasa voru dæmdir í þriggja og fjögurra ára fangelsi. Bartlomiej Szelengiewicz, Dawid Stanislaw Dolecki, Krzystof Sieracki og Jaroslava Davíðsson voru einnig dæmd í þriggja til fjögurra ára fangelsi vegna amfetamínframleiðslunnar sem fór fram í sumarhúsi í Borgarfirði. Aðeins Grzegorz og Jaroslava höfðu ekki gerst sek um refsiverða háttsemi áður, fyrir utan umferðarlagabrot Jaroslövu sem höfðu ekki áhrif við ákvörðun refsingar hennar. Var hún dæmd til þriggja ára fangelsisvistar vegna málsins. Meiriháttar umhverfisspjöll Þrír mannanna voru ákærðir fyrir brot gegn lögum um umhverfisvernd með því að hafa sturtað afgangsefnum úr framleiðslunni í náttúruna í kringum sumarhúsið. Mynd var tekin af tveimur ákærðu þegar þeir voru að losa úrganginn. Þrátt fyrir að frekari sönnunargögn lágu ekki fyrir þótti fullvíst að mennirnir höfðu losað úrganginn í náttúruna og að þriðji maður, Krzysztof, hafi tekið þátt í þeim verknaði. Um skaðlegt efni væri að ræða og því skýrt brot gegn lögum um umhverfisvernd. Dómur féll í héraðsdómi Reykjavíkur í morgun.Vísir/Vilhelm Jaroslava mátti vita af amfetamínframleiðslunni Jaroslava Davíðsson, eiginkona Geira á Goldfinger, var handtekinn í aðgerðum lögreglu þann 29. febrúar við Hvalfjarðargöng. Í dómnum segir að hún hafi farið í tvígang með Jakub í sumarhúsið og í fyrra skiptið hafi verið varningur í bifreið hennar sem tengdist framleiðslunni. Í seinna skiptið sem hún fór í sumarhúsið var fíkniefnið sett í bifreið hennar sem leiddi til þess að „kemískt“ lykt var í bifreiðinni. Þá fór hún einnig í tvígang út á flugvöll að sækja hina mennina sem komu hingað til lands til þess að framleiða fíkniefni og lánaði þeim bifreið sína. Taldi dómurinn hafið yfir vafa að hún hafi verið þátttakandi í framleiðslunni og henni hafi verið kunnugt um framleiðsluna frá upphafi. Var hún því sakfelld fyrir stórfellt fíkniefnalagabrot og þátttöku í skipulagðri brotastarfsemi. Losuðu sig við ruslapokana við Goldfinger Í niðurstöðu dómsins kemur fram að ákærðu tjáðu sig takmarkað um atvik málsins og lýstu þau Grzegorz og Jaroslava því yfir að þau hefðu hvorki tekið þátt í framleiðslunni né vitað af henni. Þá var talið sannað að þeir Bartlomiej, Dawid og Krzysztof hafi komið til landsins til þess eins að framleiða fíkniefni. Jakub hafði keypt flugmiða fyrir þá í þeim tilgangi en þeir Bartlomiej og Dawid komu til landsins þann 27. febrúar, tveimur dögum fyrir handtökuna. Krzystof hafði komið þremur dögum fyrr. Eftir að mennirnir höfðu komið til landsins keyptu þeir ýmsa muni fyrir framleiðsluna, til að mynda whire sprit og plastfilmu. Fóru þeir í kjölfarið í sumarhúsið ásamt Jaroslövu, sóttu þar tvo svarta ruslapoka sem voru settir í bifreiðina og óku aftur til Reykjavíkur. Jakub losaði sig við ruslapokana í ruslagám við Goldfinger í Kópavogi. Við handtökuna í og við Hvalfjarðargöngin fundust tæplega tvö kíló af amfetamíni á styrkleikabilinu 34 til 66 prósent. Þá var einnig lagt hald á rúmlega kíló af amfetamíni á styrkleikabilinu 1,7 til 3,2 prósent. Bíll Jaroslövu var jafnframt gerður upptækur, BMW bifreið með einkanúmerinu JARA ásamt úðavopni og tveimur rafbyssum. Voru þau dæmd til þess að greiða sameiginlega tæplega 3,6 milljónir í sakarkostnað.
Dómsmál Hvalfjarðargöng Pólland Mest lesið 8,8 stiga skjálfti í Rússlandi: Flóðbylgjuviðvaranir gefnar út víða um Kyrrahaf Erlent Ákærð fyrir að bana föður og tilraun til að bana móður Innlent Fjöldi ferðamanna slíkur að rotþróin ræður ekki við það Innlent „Hann stal henni“ Erlent Lögreglan leitar þessara manna Innlent Veðurspáin fyrir helgina að skána Innlent Langþreyttur á bensínbrúsum og „bílakirkjugarði“ Innlent Pokrovsk riðar til falls Erlent Vill greiða sex milljarða tryggingu til að losna úr haldi Erlent Stöðfirðingar þreyttir á ferðamönnum sem geri þarfir sínar um allan bæ Innlent Fleiri fréttir Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Fjallabaksleið syðri lokuð vegna vatnavaxta Engin nóróveira í Laugarvatni Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Brennisteinsdíoxíð gæti borist um suðvesturhornið Ísland og Palestína gera samkomulag um samstarf Fundu týnda brú við Suðurlandsbraut Engin framlög til jarðganga en óljós áform um innviðafélag Hvað á að gera um Verslunarmannahelgina? Þyrlan kölluð út vegna fjórhjólaslyss Ökumaður stöðvaður og kærður fyrir fjölmörg umferðalagabrot Lauma sér inn í útfarir og senda kirkjuvörðum fingurinn Versta sviðsmyndin, galið greiðslumat og óvæntur fundur Fimm prósent fallið fyrir ástarsvikum Halla og Björn ætla til Nýja Íslands Engin fjármögnun gereyðingarvopna á Íslandi Enn varað við svikapóstum: „Við hlökkum til að fá jákvæða svörun frá þér“ Samstarfið við Íra og Frakka tímafrekt Sjá meira