Innlent

Vegir opnaðir aftur eftir slysið

Vésteinn Örn Pétursson skrifar
Miklar umferðartafir urðu vegna slyssins, meðal annars á Þingvallavegi.
Miklar umferðartafir urðu vegna slyssins, meðal annars á Þingvallavegi. Mynd/Arnar Dór Ólafsson

Búið er að opna Hvalfjarðargöng fyrir umferð á nýjan leik. Þeim var lokað fyrr í dag vegna umferðarslyss þar sem tvö mótorhjól og húsbíll lentu saman á Vesturlandsvegi á Kjalarnesi. Þrjú eru alvarlega slösuð, en ekki er meira vitað um líðan þeirra að svo stöddu.

Greint er frá opnun ganganna á Twitter-síðu Vegagerðarinnar.

Þá hefur vegurinn á Kjalarnesi einnig verið opnaður fyrir umferð.

Talsverð umferðarteppa myndaðist eftir að vegum var lokað við slysið. Vesturlandsvegi við Þingvallaveg og Hvalfjarðargöngum var lokað en lögreglan opnaði fyrir hjáleið um Hvalfjarðarveg, Kjósarskarð og svo Þingvallaleið.

Hvalfjarðargöngum var lokað í kjölfar slyssins.Vísir/Vilhelm
Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið