Lögregla lýsir eftir Jóni Skúla

Lögreglan á Suðurlandi lýsir eftir Jóni Skúla Traustasyni, 40 ára. Síðast er vitað um ferðir hans á höfuðborgarsvæðinu á síðastliðið þriðjudagskvöld. 

Þetta segir í tilkynningu frá lögreglunni á Suðurlandi. „Jón Skúli er ca 175 cm á hæð með dökkt axlarsítt hár. Líklega er Jón Skúli klæddur í dökkan fatnað. Einnig óskar lögregla eftir því að þeir sem hafa orðið varir við bifreið Jóns Skúla, sem er ljós grár Volkswagen golf 2013 árgerð, með skráningarnúmerið BF-V25, hafi samband við lögreglu í síma 112.

Þeir sem geta gefið upplýsingar um ferðir Jóns Skúla eða vita hvar hann er niðurkominn, eru vinsamlegast beðnir um að hafa samband við lögregluna í síma 112,“ segir í færslunni.