Íslandsbanki lækkar vexti

Margrét Helga Erlingsdóttir skrifar 28. maí 2020 17:32

Íslandsbanki lækkaði vexti í dag. Vísir/Vilhelm

Íslandsbanki tilkynnti rétt í þessu um lækkun á vöxtum bankans.

Seðlabanki Íslands lækkaði stýrivexti í síðustu viku. Í gær hafði enginn stóru bankanna brugðist við lækkun þrátt fyrir hvatningarorð seðlabankastjóra um að skila henni áfram til viðskiptavina.

Landsbankinn reið á vaðið fyrstur banka á fimmta tímanum en nú hefur Íslandsbanki einnig svarað kalli Seðlabankans.

Fastir vextir óverðtryggðra húsnæðislána hjá Íslandsbanka lækka um 0,75 prósentustig og breytilegra um 0,5 prósentustig.

Verðtryggðir húsnæðislánavextir lækka þá einnig. Fastir vextir um 0,35 prósentustig og breytilegir um 0,25 prósentustig.

Innlánsvextir veltureikninga lækka ekki og að jafnaði lækka innlán töluvert minna en útlán. Algeng lækkun sparnaðarreikninga er 0-0,4 prósentustig

Vaxtabreyting tekur gildi 4. júní.

Efnahagsmál Íslenskir bankar Seðlabankinn

Tengdar fréttir

Landsbankinn fyrstur til að lækka vexti

Landsbankinn hefur gert breytingar á vaxtatöflu sinni eftir stýrivaxtalækkunina á miðvikudag í síðustu viku.

28. maí 2020 16:46

Telur vaxtalækkun Seðlabankans hafa skilað sér seint og illa til almennings og fyrirtækja

Formaður VR segir bæði banka og lífeyrissjóði skulda almenningi myndarlegri lækkun vaxta.

27. maí 2020 19:28

Bankarnir enn undir vaxtafeldi

Nú þegar vikan er liðin frá hressilegri stýrivaxtalækkun liggja stóru bankarnir þrír enn undir feldi og íhuga viðbrögð sín.

27. maí 2020 11:07

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.