Innlent

Eitt nýtt smit greindist síðasta sólar­hringinn

Atli Ísleifsson skrifar
Alls eru 983 nú í sóttkví.
Alls eru 983 nú í sóttkví. Vísir/Vilhelm

Einn greindist með kórónuveirusmit síðasta sólarhringinn samkvæmt nýjum tölum á covid.is sem birtar voru um klukkan 13. Alls eru þrjú virk smit í landinu, en staðfest smit eru því 1.805.

Sá sem smitaðist greindist hjá Íslenskri erfðagreiningu og var ekki í sóttkví.

Á veirufræðideild Landspítalans voru tekin 155 sýni í gær og 371 hjá Íslenskri erfðagreiningu - alls 526.

Enginn liggur inni á sjúkrahúsi með Covid-19 þessa stundina og hafa 1.792 náð bata. Fólki í sóttkví fjölgar nokkuð og eru nú 983 samanborið við 766 áður. Alls hafa nú 20.424 lokið sóttkví og 59.613 sýni verið tekin.

Tíu hafa látist af völdum veirunnar á Íslandi.

Frá því að ekkert nýtt smit greindist á milli daga í fyrsta skipti frá upphafi faraldursins 23. apríl hafa sextán greinst smitaðir af kórónuveirunni. Undanfarinn 21 dag hafa fimm ný smit greinst í landinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.