Trump hunsaði óskir ekkils um frið fyrir samsæriskenningum Kjartan Kjartansson skrifar 27. maí 2020 11:25 Ekkert bendir til þess að Trump Bandaríkjaforseti ætli að hætta að dreifa fölskum ásökunum um dauða ungrar konu fyrir tuttugu árum þrátt fyrir að ekkill hennar hafi beðið Twitter um að fjarlægja tíst forsetans. Vísir/EPA Óskir ekkils konu sem lést af slysförum fyrir tveimur áratugum um að Donald Trump hætti að dreifa samsæriskenningum um dauða hennar féllu á dauf eyru hjá Bandaríkjaforseta, framboði hans og blaðafulltrúa Hvíta hússins í gær. Twitter bað fjölskyldu konunnar afsökunar í gær en hafnaði því að fjarlægja tíst forsetans þar sem hann fabúlerar um að pólitískur andstæðingur sinn hafi í raun myrt hana. Trump hefur af vaxandi ákafa haldið frammi stoðlausri samsæriskenningu um að Joe Scarborough, fyrrverandi þingmaður og núverandi þáttastjórnandi á sjónvarpsstöðinni MSNBC, hafi í raun myrt Lori Kaye Klausutis árið 2001. Scarborough hefur verið gagnrýninn á störf Trump sem hefur brugðist við með því að væna þáttastjórnandann um morð og kalla hann „geðsjúkan“. Klausutis var starfsmaður Scarborough þegar hann var þingmaður á Bandaríkjaþingi. Hún fannst látin á skrifstofu hans á Flórída eftir að hún hneig niður og rak höfuðið í skrifborð. Réttarmeinarannsókn leiddi í ljós að Klausutis hafði þjáðst af gáttatifi án þess að vita það sem leiddi til þess að það leið yfir hana. Scarborough var staddur í Washington-borg, á annað þúsund kílómetra í burtu, þegar Klausitis lést. Þrátt fyrir þetta hefur Trump endurtekið gefið sterklega í skyn að Scarborough hafi átt þátt í dauða Klausutis og að þau hafi jafnvel átt í leynilegu ástarsambandi. Klausutis var gift og Scarborough giftist ekki löngu eftir dauða hennar. Forsetinn tísti meðal annars á dögunum um að margir teldu að Scarborough hefði komist upp með morð. Joe Scarborough hefur gagnrýnt störf og persónu Trump harðlega í sjónvarpsþætti sínum. Fyrir vikið hefur hann setið undir ásökunum Trump um að hann kunni að hafa myrt starfsmann sinn fyrir tuttugu árum.Vísir/EPA Gerði lítið úr bréfi eiginmannsins Timothy Klausutis, ekkill Lori Kaye, skrifaði Jack Dorsey, forstjóra Twitter, bréf í síðustu viku þar sem hann fór fram á að tíst Trump um dauða eiginkonu sinnar yrðu fjarlægð á þeim forsendum að þau stríddu gegn notendaskilmálum Twitter. Hélt hann því fram að Trump spillti minningu eiginkonu sinnar í pólitískum tilgangi. Bæði hann og fjölskylda Klausutis hefði lengi mátt þola innihaldslausar vangaveltur og samsæriskenningar um dauða hennar. Twitter lýsti samúð með fjölskyldu Klausutis í yfirlýsingu í gær en sagðist ekki ætla að fjarlægja tíst Bandaríkjaforseta. Þess í stað ynni samfélagsmiðillinn að stefnubreytingu sem gæti auðveldað honum að taka á slíkum málum í framtíðinni. Trump sýndi sjálfur enga iðrun þegar hann var spurður hvers vegna hann héldi áfram að dreifa stoðlausum samsæriskenningum um dauða Klausutis í gær. „Þetta eru sannarlega mjög grunsamlegar aðstæður, mjög dapurlegar, mjög dapurlegar og mjög grunsamlegar. Og ég vona að einhver komist til botns í því. Það væri mjög góður hlutur. Eins og þið vitið er enginn fyrningarfrestur. Þannig að það væri mjög góður hlutur að gera,“ sagði forsetinn við blaðamenn við Hvíta húsið. Játti Trump því að hafa séð bréf Timothy Klausutis en „ég er viss um að á endanum vilji þau komast til í botns í þessu“. Framboðið og blaðafulltrúinn mögnuðu upp ásakanirnar Þegar Kayleigh McEnany, blaðafulltrúi Hvíta hússins, var spurð út í rakalausar ásakanir Trump um dauða Klausutis vísaði hún í tíst Trump fyrr um daginn þar sem hann bar því við að hann hefði ekki persónulega búið til samsæriskenninguna um að Scarborough hefði myrt starfsmann sinn. Bæði Trump og McEnany sökuðu Scarborough jafnframt um að hafa hent gaman að dauða Klausutis í útvarpsviðtali árið 2003. Mika Brzezinski, eiginkona Scarborough og meðstjórnandi sjónvarpsþáttar hans, sakaði McEnany um lygar. Það hafi verið spyrillinn í útvarpsþættinum sem hafi sagt kaldranalegan brandara um dauða Klausutis sem Scarborough hafi reynt að skauta fram hjá, að því er segir í frétt Washington Post. „Engin lygi getur falið heiftúð Donalds Trump,“ tísti Brzezinski. Engu að síður dreifði forsetaframboð Trump klippu af útvarpsviðtalinu á samfélagsmiðlum sínum í gær. Hvatti framboðið þar til þess að rannsókn yrði hafin á dauða Klausutis og Scarborough. Þingmenn Repúblikanaflokksins hafa setið nær algerlega hljóðir undir stoðlausum morðásökunum Trump forseta. Adam Kinzinger, fulltrúadeildarþingmaður flokksins frá Illinois, var undantekningin þegar hann hvatti Trump til þess að „hætta að skapa vænisýki“ og varaði við því að svo sundrandi framkoma ætti eftir að verða þeim að falli. Trump og framboðið hömuðust gegn Twitter eftir að fyrirtækið merkti í fyrsta skipti tíst forsetans fyrir staðreyndavöktun í gær. Tístin innihéldu falskar fullyrðingar Trump um tengsl á milli póstatkvæða og kosningasvindls. Bandarískir íhaldsmenn hafa lengi haldið því fram að samfélagsmiðlafyrirtæki séu hlutdræg gegn þeim. Trump hefur ýjað að því að hann gæti gripið til aðgerða gegn fyrirtækjunum vegna þeirrar meintu slagsíðu. Engu að síður hefur Twitter fram að þessu veigrað sér við að aðhafast nokkuð vegna tísta Trump, jafnvel þegar þau virðast brjóta skilmála fyrirtækisins. Donald Trump Bandaríkin Forsetakosningar í Bandaríkjunum Tengdar fréttir Biður Twitter um að fjarlægja morðsamsærisóra Trump Ekkill starfsmanns bandarísks fyrrverandi þingmanns sem Donald Trump forseta er í nöp við hefur beðið forstjóra Twitter um að fjarlægja tíst forsetans með samsæriskenningum um dauða konu sinnar. Trump forseti hefur ítrekað slengt fram rakalausum samsæriskenningum sem ýja að því að fyrrverandi þingmaðurinn hafi myrt konuna. 26. maí 2020 13:55 Twitter merkir tíst Trump sem misvísandi Um er að ræða tvö tíst sem snúast um kjörseðla sem sendir eru heim til fólks. 26. maí 2020 23:50 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent „Breiðholt mesta fátæktargildra landsins“ Innlent Framboðslistar opinberaðir eftir helgi Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Sjá meira
Óskir ekkils konu sem lést af slysförum fyrir tveimur áratugum um að Donald Trump hætti að dreifa samsæriskenningum um dauða hennar féllu á dauf eyru hjá Bandaríkjaforseta, framboði hans og blaðafulltrúa Hvíta hússins í gær. Twitter bað fjölskyldu konunnar afsökunar í gær en hafnaði því að fjarlægja tíst forsetans þar sem hann fabúlerar um að pólitískur andstæðingur sinn hafi í raun myrt hana. Trump hefur af vaxandi ákafa haldið frammi stoðlausri samsæriskenningu um að Joe Scarborough, fyrrverandi þingmaður og núverandi þáttastjórnandi á sjónvarpsstöðinni MSNBC, hafi í raun myrt Lori Kaye Klausutis árið 2001. Scarborough hefur verið gagnrýninn á störf Trump sem hefur brugðist við með því að væna þáttastjórnandann um morð og kalla hann „geðsjúkan“. Klausutis var starfsmaður Scarborough þegar hann var þingmaður á Bandaríkjaþingi. Hún fannst látin á skrifstofu hans á Flórída eftir að hún hneig niður og rak höfuðið í skrifborð. Réttarmeinarannsókn leiddi í ljós að Klausutis hafði þjáðst af gáttatifi án þess að vita það sem leiddi til þess að það leið yfir hana. Scarborough var staddur í Washington-borg, á annað þúsund kílómetra í burtu, þegar Klausitis lést. Þrátt fyrir þetta hefur Trump endurtekið gefið sterklega í skyn að Scarborough hafi átt þátt í dauða Klausutis og að þau hafi jafnvel átt í leynilegu ástarsambandi. Klausutis var gift og Scarborough giftist ekki löngu eftir dauða hennar. Forsetinn tísti meðal annars á dögunum um að margir teldu að Scarborough hefði komist upp með morð. Joe Scarborough hefur gagnrýnt störf og persónu Trump harðlega í sjónvarpsþætti sínum. Fyrir vikið hefur hann setið undir ásökunum Trump um að hann kunni að hafa myrt starfsmann sinn fyrir tuttugu árum.Vísir/EPA Gerði lítið úr bréfi eiginmannsins Timothy Klausutis, ekkill Lori Kaye, skrifaði Jack Dorsey, forstjóra Twitter, bréf í síðustu viku þar sem hann fór fram á að tíst Trump um dauða eiginkonu sinnar yrðu fjarlægð á þeim forsendum að þau stríddu gegn notendaskilmálum Twitter. Hélt hann því fram að Trump spillti minningu eiginkonu sinnar í pólitískum tilgangi. Bæði hann og fjölskylda Klausutis hefði lengi mátt þola innihaldslausar vangaveltur og samsæriskenningar um dauða hennar. Twitter lýsti samúð með fjölskyldu Klausutis í yfirlýsingu í gær en sagðist ekki ætla að fjarlægja tíst Bandaríkjaforseta. Þess í stað ynni samfélagsmiðillinn að stefnubreytingu sem gæti auðveldað honum að taka á slíkum málum í framtíðinni. Trump sýndi sjálfur enga iðrun þegar hann var spurður hvers vegna hann héldi áfram að dreifa stoðlausum samsæriskenningum um dauða Klausutis í gær. „Þetta eru sannarlega mjög grunsamlegar aðstæður, mjög dapurlegar, mjög dapurlegar og mjög grunsamlegar. Og ég vona að einhver komist til botns í því. Það væri mjög góður hlutur. Eins og þið vitið er enginn fyrningarfrestur. Þannig að það væri mjög góður hlutur að gera,“ sagði forsetinn við blaðamenn við Hvíta húsið. Játti Trump því að hafa séð bréf Timothy Klausutis en „ég er viss um að á endanum vilji þau komast til í botns í þessu“. Framboðið og blaðafulltrúinn mögnuðu upp ásakanirnar Þegar Kayleigh McEnany, blaðafulltrúi Hvíta hússins, var spurð út í rakalausar ásakanir Trump um dauða Klausutis vísaði hún í tíst Trump fyrr um daginn þar sem hann bar því við að hann hefði ekki persónulega búið til samsæriskenninguna um að Scarborough hefði myrt starfsmann sinn. Bæði Trump og McEnany sökuðu Scarborough jafnframt um að hafa hent gaman að dauða Klausutis í útvarpsviðtali árið 2003. Mika Brzezinski, eiginkona Scarborough og meðstjórnandi sjónvarpsþáttar hans, sakaði McEnany um lygar. Það hafi verið spyrillinn í útvarpsþættinum sem hafi sagt kaldranalegan brandara um dauða Klausutis sem Scarborough hafi reynt að skauta fram hjá, að því er segir í frétt Washington Post. „Engin lygi getur falið heiftúð Donalds Trump,“ tísti Brzezinski. Engu að síður dreifði forsetaframboð Trump klippu af útvarpsviðtalinu á samfélagsmiðlum sínum í gær. Hvatti framboðið þar til þess að rannsókn yrði hafin á dauða Klausutis og Scarborough. Þingmenn Repúblikanaflokksins hafa setið nær algerlega hljóðir undir stoðlausum morðásökunum Trump forseta. Adam Kinzinger, fulltrúadeildarþingmaður flokksins frá Illinois, var undantekningin þegar hann hvatti Trump til þess að „hætta að skapa vænisýki“ og varaði við því að svo sundrandi framkoma ætti eftir að verða þeim að falli. Trump og framboðið hömuðust gegn Twitter eftir að fyrirtækið merkti í fyrsta skipti tíst forsetans fyrir staðreyndavöktun í gær. Tístin innihéldu falskar fullyrðingar Trump um tengsl á milli póstatkvæða og kosningasvindls. Bandarískir íhaldsmenn hafa lengi haldið því fram að samfélagsmiðlafyrirtæki séu hlutdræg gegn þeim. Trump hefur ýjað að því að hann gæti gripið til aðgerða gegn fyrirtækjunum vegna þeirrar meintu slagsíðu. Engu að síður hefur Twitter fram að þessu veigrað sér við að aðhafast nokkuð vegna tísta Trump, jafnvel þegar þau virðast brjóta skilmála fyrirtækisins.
Donald Trump Bandaríkin Forsetakosningar í Bandaríkjunum Tengdar fréttir Biður Twitter um að fjarlægja morðsamsærisóra Trump Ekkill starfsmanns bandarísks fyrrverandi þingmanns sem Donald Trump forseta er í nöp við hefur beðið forstjóra Twitter um að fjarlægja tíst forsetans með samsæriskenningum um dauða konu sinnar. Trump forseti hefur ítrekað slengt fram rakalausum samsæriskenningum sem ýja að því að fyrrverandi þingmaðurinn hafi myrt konuna. 26. maí 2020 13:55 Twitter merkir tíst Trump sem misvísandi Um er að ræða tvö tíst sem snúast um kjörseðla sem sendir eru heim til fólks. 26. maí 2020 23:50 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent „Breiðholt mesta fátæktargildra landsins“ Innlent Framboðslistar opinberaðir eftir helgi Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Sjá meira
Biður Twitter um að fjarlægja morðsamsærisóra Trump Ekkill starfsmanns bandarísks fyrrverandi þingmanns sem Donald Trump forseta er í nöp við hefur beðið forstjóra Twitter um að fjarlægja tíst forsetans með samsæriskenningum um dauða konu sinnar. Trump forseti hefur ítrekað slengt fram rakalausum samsæriskenningum sem ýja að því að fyrrverandi þingmaðurinn hafi myrt konuna. 26. maí 2020 13:55
Twitter merkir tíst Trump sem misvísandi Um er að ræða tvö tíst sem snúast um kjörseðla sem sendir eru heim til fólks. 26. maí 2020 23:50