Lífið samstarf

Glæsileg gisting í hjarta Akureyrar

Acco Luxury Apartments
Daníel Starrason

Veðursæld Akureyrar er margrómuð og nú bjóðast frábær tilboð á gistingu í hjarta bæjarins á Acco Luxury Apartments í sumar og haust.

„Það er vel þekkt að veðrið er „alltaf gott“ hér á Akureyri og við vonumst til þess að fólk flykkist norður til okkar í sumar. Það er bæði gaman og þægilegt að vera í miðbænum og héðan er stutt í allar áttir,“ segir Helga Björk Eiríksdóttir, eigandi Acco á Akureyri.

Veðurblíða einkennir Akureyrarbæ og íbúðirnar eru vel staðsettar í hjarta bæjarins. Daníel Starrason

Íbúðirnar eru mjög vel búnar, rúmgóðar og fallegar. Þær henta fjölskyldum og vinahópum vel. Fullbúið eldhús og þvottavél er í hverri íbúð. Þá er stutt í veitingastaði og afþreyingu.

„Hér við hliðina er Acco Guesthouse sem við rekum einnig og þar í sama húsi er Cafe Berlín. Það er frábær veitingastaður sem reiðir fram vel útilátinn morgunverð og hádegisverð. Oft er mikið líf hér í bænum og mögulegt að velja úr ýmisskonar afþreyingu svo sem siglingum, gönguferðum, hvalaskoðun og margt fleira er í boði,“ útskýrir Helga Björk.

Herbergin eru glæsileg og öll aðstaða til fyrirmyndar. Daníel Starrason

Í tilboðinu býðst vikudvöl og einnig langar helgar og því auðvelt að skipuleggja frábæra daga á Norðurlandi með fjölskyldunni. Nágrenni Akureyrar býður upp á marga áhugaverða staði, fjölbreytta afþreyingu og náttúruperlur sem gaman er að skoða.

Fullbúin eldhús og þvottavél eru í öllum íbúðunum svo vel fer um fjölskyldur og vinahópa.Daníel Starrason

„Það er lítið mál að gera sér dagsferðir frá Akureyri, til dæmis í Mývatnssveit og til Húsavíkur, skoða Goðafoss og Dettifoss og þá er Ásbyrgi einstök náttúruperla. Dalvík, Hrísey og Siglufjörður eru í þægilegri fjarlægð og ekki svo langt til Hofsóss. Sundferðir tilheyra ferðalögum og er heimsókn í sundlaug Akureyrar ævintýri líkust. Þá er gaman að heimsækja hin ýmsu böð í nágrenninu, Bjórböðin á Árskógsströnd, Jarðböðin á Mývatni og Sjóböðin á Húsavík svo dæmi séu nefnd.“

Daníel Starrason


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.