Golf

Valdís Þóra í toppbaráttu í Suður-Afríku

Runólfur Trausti Þórhallsson skrifar
Valdís Þóra er komin í toppbaráttuna í Suður-Afríku.
Valdís Þóra er komin í toppbaráttuna í Suður-Afríku. Mark Runnacles/Getty Images

Kylfingurinn Valdís Þóra Jónsdóttir er komin í toppbaráttu South Africa Women´s Open mótinu sem fram fer í Höfðaborg. Mótið er hluti af Evrópumótaröðinni.

Valdís Þóra lauk öðrum hring sínum á mótinu í dag á tveimur höggum undir pari eða 70 talsins.  Í gær fór hún hringinn á 72 höggum eða pari vallarins. 

Hún er sem stendur í 7. til 9. sæti mótsins á samtals tveimur höggum undir pari. 

Guðrún Brá Björgvinsdóttir tekur einnig þátt í mótinu en hún náði  sér ekki á strik á fyrsta hring í gær. Lék hún hringinn á 80 höggum eða átta höggum yfir pari. Hún er nýfarin af stað á hring dagsins og gæti því átt möguleika á að komast í gegnum niðurskurð mótsins sem miðast við að leika hringina tvo á fjórum höggum yfir pari ef hún leikur vel í dag.

Kylfingur.is greindi frá.




Fleiri fréttir

Sjá meira


×