Borgarleikhúsið heldur áfram að bjóða upp á beint streymi í samkomubanninu.
Benedikt Erlingsson mætir í listamannaspjall hjá Halldóri Gylfasyni og ræðir glæsilegan leikhús og kvikmyndaferil sinn, spjallið verður í beinu streymi klukkan 12.
Framundan í Borgó í beinni
Í hádeginu á morgun les Bergur Ebbi úr bókinni sinni Skjáskot. Hann spyr stórra spurninga og leitar svara í þessari mögnuðu, lærdómsríku krufningu á þeim vandamálum og þversögnum sem blasa við heiminum öllum.
Á fimmtudagskvöld er komið að leiklestri á verkinu And Björk, of course... eftir Þorvald Þorsteinsson.
Á föstudag heldur Bubbi síðan tónleika og verða þeir að þessu sinni um kvöldið.
