Lífið

Bergur Ebbi fer á kostum sem Reynir sem kennir fólki að vera í sóttkví

Stefán Árni Pálsson skrifar
Karakterinn Reynir úr Mið-Ísland þáttunum lifir enn góðu lífi meðal framhaldsskólanema.
Karakterinn Reynir úr Mið-Ísland þáttunum lifir enn góðu lífi meðal framhaldsskólanema.

„Fyrir næstum tíu árum síðan lék ég í sketsaþáttunum Mið-Ísland. Þessi þættir eru nú að mestu leyti gleymdir en við og við hef ég tekið eftir því að ungir krakkar eru að herma eftir karakter úr þáttunum sem heitir Reynir. Þetta hafa verið allt niður í fimm ára krakkar - stelpur og strákar - og þetta hefur verið í gangi alveg síðan þessi karakter birtist fyrst. Ég hef að öðru leyti ekki pælt mikið í þessu,“ segir Bergur Ebbi Benediktsson í færslu á Facebook og birtir hann með færslunni myndband þar sem hann leikur karakterinn og kennir Reynir þjóðinni að vera í sóttkví.

„Nema hvað. Eins og þið vitið eru allir framhaldsskólanemar í fjarnámi núna og ekkert hefðbundið félagslíf í gangi heldur. Nemendur í Verzló höfðu samband við mig og vildu fá mig til að létta þeirra lund. En það var úr vöndu að ráða. Ekki hægt að taka uppistand því það er samkomubann. 

Ég spurði hvort það væri eitthvað annað sem hægt væri að gera og þá stungu þau upp á að ég myndi gera nýja sketsa með Reyni - sem mér fannst náttúrulega hálf fáránleg pæling enda er ég vanalega ekki skemmtikraftur sem klæði mig í búning og byrja að leika karakter. 

En hey! Það er heimsfaraldur í gangi og mér finnst líka eitthvað mjög dúllulegt að þessi karakter hafi lifað meðal barna sem nú eru orðnir unglingar. Hvað gerir maður ekki fyrir unglinga sem leiðist?“

Hér fyrir ofan má sjá Berg taka Reyni eins og honum einum er lagið.

 Hér að neðan má síðan sjá tvö klassísk atriði úr þáttunum Mið-Ísland þar sem Bergur fer með hlutverk Reynis. 

Á sjónvarpsvef Vísis er síðan að finna fleiri atriði úr Mið-Ísland þáttunum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.