Erlent

731 létust á einum degi í New York

Andri Eysteinsson skrifar
New York ríki er miðstöð kórónuveirufaraldursins í Bandaríkjunum
New York ríki er miðstöð kórónuveirufaraldursins í Bandaríkjunum Getty/Victor J. Blue

Gagnrýni á viðbrögð New York-ríkis við kórónuveirufaraldrinum hefur aukist eftir að metfjöldi lést á einum degi í ríkinu. 731 létust á undanförnum sólarhring vegna veirunnar og hafa því alls 5.489 manns látist vegna Covid-19 í ríkinu en 138.836 hafa sýkst. BBC greinir frá.

Yfirvöld og þá sérstaklega ríkisstjórinn Andrew Cuomo hafa verið harðlega gagnrýnd sér í lagi vegna útbreiðslu faraldursins í fangelsiskerfi ríkisins en 286 fangar og 331 starfsmaður hafa greinst með veiruna. Einn fangi, hinn 53 ára gamli Michael Tyson, er látinn en sá beið réttarhalda í máli gegn sér.

Cuomo minnti borgarbúa á mikilvægi þess að fylgja fyrirmælum og halda sig innandyra. Bað hann New York búa þá till þess að forðast stóra hópa fólks á meðan að hátíðirnar ganga í garð næstu helgi.

Cuomo hefur þá ákveðið að 1100 föngum verði sleppt úr haldi fyrr en áætlað var vegna faraldursins.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.