Lífið samstarf

Litahlaupið í Reykjavík fært til 5. september og frestað á Akureyri

Color Run
Color Run fer fram þann 5. september 2020 í Reykjavík. Hlaupið mun fara fram um verslunarmannahelgina á Akureyri árið 2021.
Color Run fer fram þann 5. september 2020 í Reykjavík. Hlaupið mun fara fram um verslunarmannahelgina á Akureyri árið 2021.

Ákveðið hefur verið að færa The Color Run í Reykjavík til laugardagsins 5. september 2020. Upphaflega stóð til að Litahlaupið færi fram þann 6. júní næstkomandi en í ljósi samkomutakmarkana vegna kórónuveirunnar hefur hlaupið verið fært til 5. september.

Þá hefur hlaupinu á Akureyri sem fara átti fram 27. júní verið frestað og mun fara fram um Verslunarmannahelgina árið 2021.

Ýmsar ráðstafanir gerðar til að uppfylla tilmæli almannavarna

Skipuleggjendur hlaupsins munu gera allt sem í þeirra valdi stendur til að færa landsmönnum þennan mikla gleðiviðburð á sem öruggastan hátt og telja fyrirkomulag hlaupsins nægilega sveigjanlegt til að svo megi verða. Gripið verður til ýmissa ráðstafana varðandi framkvæmd viðburðarins til að koma til móts við þau tilmæli sem almannavarnir hafa uppi á þeim tíma og einnig til að gefa þátttakendum það svigrúm sem þeir vilja til að halda fjarlægð við aðra gesti. Meðal þess er að boðið verður upp á meiri sveigjanleika með ræsingartíma, auk þess sem viðburðarsvæðið þar sem þátttakendur koma saman fyrir og eftir hlaup verður stækkað.

Miðarnir gilda áfram

Aðgöngumiðar flytjast sjálfkrafa yfir á nýja dagsetningu og þurfa miðaeigendur ekki að grípa til neinna ráðstafana vegna þessarar breytingar. Henti ný dagsetning ekki þátttakendum hafa þeir tvær vikur til þess að óska eftir endurgreiðslu með því að hafa samband við tix.is.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.