Benedikt kveður KR líka

Sindri Sverrisson skrifar 11. maí 2020 21:44

Benedikt Guðmundsson hefur auk þess að þjálfa KR og landsliðið verið sérfræðingur í Domino's Körfuboltakvöldi. vísir/skjáskot

Benedikt Guðmundsson er hættur sem þjálfari kvennaliðs KR í körfubolta en hann greindi frá þessu sjálfur á Facebook.

Í síðustu viku var Inga Þór Steinþórssyni, þjálfara karlaliðs KR, óvænt sagt upp og nú er ljóst að einnig verður skipt um mann í brúnni hjá kvennaliðinu. Ekki er ljóst hverjir eftirmenn þeirra verða en Darri Freyr Atlason, fyrrverandi þjálfari meistaraliðs Vals í kvennaflokki, hefur verið sagður eiga að taka við karlaliði KR.

„Því miður er þessum kafla lokið núna,“ skrifar Benedikt á Facebook þar sem hann kveður félagið sem á svo stóran þátt í hans uppeldi, eins og landsliðsþjálfarinn orðar það sjálfur. Benedikt tók við kvennalandsliði Íslands fyrir rúmu ári síðan en þessi reynslumikli þjálfari hefur stýrt kvennaliði KR samfleytt síðustu þrjú ár.

Dominos-deild kvenna KR Íslenski körfuboltinn

Tengdar fréttir

Þögnin í Vesturbænum ekkert annað en vandræðaleg

Eftir þriggja áratuga feril sem körfuboltaþjálfari var Inga Þór Steinþórssyni sagt upp störfum í fyrsta sinn þegar KR ákvað að láta hann fara í síðustu viku. Henry Birgir og Kjartan Atli fóru yfir málið í Sportinu í dag.

11. maí 2020 20:00

Ingi Þór um brottreksturinn frá KR: Er ekkert sáttur

Ingi Þór Steinþórsson kveðst svekktur yfir að hafa verið látinn fara frá KR og ætlar sér ekki að hætta í þjálfun.

10. maí 2020 17:52

KR-ingar halda upp á „Stöndum saman“ með hátíð á fésbókinni

Leikmenn og þjálfarar körfuboltaliða KR munu gera upp tímabilið á morgun í sérstakri uppgjörshátíð „Stöndum saman“ verkefnisins sem verður send út beint á fésbókinni.

30. apríl 2020 16:30

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.