Eftirminnilegustu leikirnir við Rússa á stórmótum: Kjálkabrotinn Petersson, tóninn gefinn í Peking og Vínarvals Ingvi Þór Sæmundsson skrifar 13. janúar 2020 08:30 Ísland og Rússland hafa sextán sinnum mæst á stórmótum. Ísland mætir Rússlandi í öðrum leik sínum á Evrópumótinu í handbolta 2020 í Malmö í dag. Leikurinn hefst klukkan 17:15 og verður í beinni textalýsingu á Vísi. Ísland er með tvö stig í E-riðli eftir sigurinn frækna á Danmörku á laugardaginn, 30-31. Rússland tapaði hins vegar fyrir Ungverjalandi, 26-25, og verður að vinna í dag. Í tilefni af leiknum gegn Rússlandi í dag hefur Vísir rifjað upp fjóra eftirminnilegustu leiki Íslendinga og Rússa á stórmótum í gegnum tíðina.Ísland 19-23 Samveldið, ÓL 1992Landsmenn fylgdust vel með leiknum gegn Samveldinu í undanúrslitum Ólympíuleikanna 1992. Þessi mynd er af forsíðu DV 7. ágúst.skjáskot af timarit.isÍslenska landsliðið kom á óvart á Ólympíuleikunum í Barcelona 1992 og komst alla leið í undanúrslit. Þar mætti Ísland Samveldinu. Leikurinn var jafn þótt Rússar væru með frumkvæðið. Staðan í hálfleik var 9-11, Samveldinu í vil. Ísland komst yfir í seinni hálfleik, 16-15, en Samveldið svaraði með þremur mörkum í röð, náði undirtökunum og vann að lokum fjögurra marka sigur, 19-23. „Það vantaði meiri yfirvegun hjá strákunum þegar við náðum forystunni í síðari hálfleik. Gegn liði eins og Samveldismönnum má ekkert gefa eftir því þá er leikurinn farinn,“ sagði landsliðsþjálfarinn Þorbergur Aðalsteinsson við DV eftir leikinn. Íslendingar mættu Frökkum í leiknum um bronsið og lutu í lægra haldi, 24-20. Fjórða sætið varð niðurstaðan sem var þá besti árangur Íslands á Ólympíuleikum. Samveldið varð Ólympíumeistari eftir sigur á Svíþjóð í úrslitaleiknum, 20-22.Mörk Íslands: Valdimar Grímsson 6/2, Geir Sveinsson 5, Júlíus Jónasson 4, Héðinn Gilsson 2, Sigurður Bjarnason 1, Jakob Sigurðsson 1.Ísland 34-32 Rússland, EM 2006Arnór Atlason skoraði tvö mörk gegn Rússum á EM 2006.vísir/epaÍsland tapaði fyrstu ellefu leikjunum gegn Rússlandi á stórmótum. Fyrsti sigurinn kom loks í milliriðli á EM 2006. Íslendingar léku frábærlega í leiknum í St. Gallen, eins og þeir gerðu á löngum köflum á EM í Sviss. Þeir byrjuðu reyndar illa og lentu 1-4 undir en komu svo með 9-1 áhlaup og náðu yfirhöndinni. Alexander Petersson kjálkabrotnaði snemma leiks en lét það ekki á sig fá. Alexander, sem er með svipað háan sársaukaþröskuld og innbrotsþjófarnir í Home Alone myndunum, lék frábærlega og skoraði fjögur mörk. Hann spilaði hins vegar ekki fleiri leiki á EM. Guðjón Valur Sigurðsson var markahæstur Íslendinga með ellefu mörk. Ólafur Stefánsson, sem meiddist í fyrsta leik mótsins gegn Serbíu og Svartfjallalandi, skoraði átta mörk og gaf tíu stoðsendingar. Lemstrað íslenskt lið tapaði naumlega fyrir Króatíu, 28-29, í næsta leik sínum í milliriðli. Og í síðasta leiknum eyðilagði óbermið Kjetil Strand svo allt, ósælla minninga.Mörk Íslands: Guðjón Valur Sigurðsson 11, Ólafur Stefánsson 8, Alexander Petersson 4, Róbert Gunnarsson 4, Snorri Steinn Guðjónsson 4/1, Arnór Atlason 2, Vignir Svavarsson 1.Ísland 33-31 Rússland, ÓL 2008Snorri Steinn skorar eitt tólf marka sinna gegn Rússum á Ólympíuleikunum 2008.vísir/gettyÍslendingar gáfu tóninn á Ólympíuleikunum 2008 með því að vinna Rússa, 33-31, í fyrsta leik sínum í Peking. Snorri Steinn Guðjónsson átti stórleik og skoraði tólf mörk úr jafn mörgum skotum. Sigurinn var öruggari en lokatölurnar gefa til kynna því Rússland skoraði sjö af síðustu níu mörkum leiksins. Björgvin Páll Gústavsson lék sinn fyrsta leik á stórmóti og varði tólf skot, eða 35% þeirra skota sem hann fékk á sig. Ingimundur Ingimundarson átti einnig eftirminnilega innkomu í vörnina. Guðjón Valur gat ekki leikið vegna meiðsla en Sturla Ásgeirsson fyllti skarð hans og skoraði þrjú mörk. Íslendingar sýndu styrk sinn strax í fyrsta leik og fylgdu því eftir með sigri á Þjóðverjum í næsta leik, 33-29. Íslensku leikmennirnir komust svo alla leið í úrslit og fengu silfur og fálkaorðu við heimkomuna.Mörk Íslands: Snorri Steinn Guðjónsson 12/6, Alexander Petersson 6, Arnór Atlason 6, Sturla Ásgeirsson 3, Ólafur Stefánsson 3, Róbert Gunnarsson 2, Ásgeir Örn Hallgrímsson 1.Ísland 38-30 Rússland, EM 2010Vignir Svavarsson skorar gegn Rússum á EM 2010.vísir/epaAuðveldasti leikur Íslands á EM 2010 var gegn Rússlandi. Eftir að hafa gert jafntefli við Króata, 26-26, í fyrsta leik sínum í milliriðli rústuðu Íslendingar Rússum, 38-30, í öðrum leiknum. Þetta var þriðji sigur Íslands í síðustu fjórum leikjum gegn Rússlandi á stórmótum. Leikurinn í Vín var aldrei spennandi. Ísland komst í 8-2 og munurinn í hálfleik var níu mörk, 19-10. Guðmundur Guðmundsson gat leyft sér þann munað að hvíla lykilmenn í seinni hálfleiknum sem var aldrei spennandi. Ellefu leikmenn Íslands skoruðu í leiknum. Snorri Steinn og Alexander voru markahæstir með sjö mörk hvor. Björgvin Páll varði 16 skot (41%). Ísland sem tryggði sér svo sæti í undanúrslitum með sigri á Noregi, 35-34, í miklum spennuleik. Íslendingar töpuðu fyrir Frökkum í undanúrslitunum en unnu Pólverja í bronsleiknum og fenug því verðlaun á öðru stórmótinu í röð.Mörk Íslands: Snorri Steinn Guðjónsson 7/2, Alexander Petersson 7, Sturla Ásgeirsson 5, Vignir Svavarsson 3, Ásgeir Örn Hallgrímsson 3, Ólafur Stefánsson 3/1, Róbert Gunnarsson 3, Aron Pálmarsson 2, Guðjón Valur Sigurðsson 2, Arnór Atlason 2, Ólafur Guðmundsson 1. EM 2020 í handbolta Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Ákærður fyrir að slá barn sitt með blautu handklæði Sport Fyrstir áfram en þjálfarinn meiddist alvarlega þegar leikmaður hans lenti á honum Körfubolti Liðsfélagarnir í sumarfríi en hann að vinna tólf tíma á dag á Íslandi Körfubolti „Röng ákvörðun af minni hálfu og ég tek fulla ábyrgð“ Íslenski boltinn Saman á ný eftir súrrealískan dag: „Við erum eins og lím við hvorn annan“ Íslenski boltinn Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira
Ísland mætir Rússlandi í öðrum leik sínum á Evrópumótinu í handbolta 2020 í Malmö í dag. Leikurinn hefst klukkan 17:15 og verður í beinni textalýsingu á Vísi. Ísland er með tvö stig í E-riðli eftir sigurinn frækna á Danmörku á laugardaginn, 30-31. Rússland tapaði hins vegar fyrir Ungverjalandi, 26-25, og verður að vinna í dag. Í tilefni af leiknum gegn Rússlandi í dag hefur Vísir rifjað upp fjóra eftirminnilegustu leiki Íslendinga og Rússa á stórmótum í gegnum tíðina.Ísland 19-23 Samveldið, ÓL 1992Landsmenn fylgdust vel með leiknum gegn Samveldinu í undanúrslitum Ólympíuleikanna 1992. Þessi mynd er af forsíðu DV 7. ágúst.skjáskot af timarit.isÍslenska landsliðið kom á óvart á Ólympíuleikunum í Barcelona 1992 og komst alla leið í undanúrslit. Þar mætti Ísland Samveldinu. Leikurinn var jafn þótt Rússar væru með frumkvæðið. Staðan í hálfleik var 9-11, Samveldinu í vil. Ísland komst yfir í seinni hálfleik, 16-15, en Samveldið svaraði með þremur mörkum í röð, náði undirtökunum og vann að lokum fjögurra marka sigur, 19-23. „Það vantaði meiri yfirvegun hjá strákunum þegar við náðum forystunni í síðari hálfleik. Gegn liði eins og Samveldismönnum má ekkert gefa eftir því þá er leikurinn farinn,“ sagði landsliðsþjálfarinn Þorbergur Aðalsteinsson við DV eftir leikinn. Íslendingar mættu Frökkum í leiknum um bronsið og lutu í lægra haldi, 24-20. Fjórða sætið varð niðurstaðan sem var þá besti árangur Íslands á Ólympíuleikum. Samveldið varð Ólympíumeistari eftir sigur á Svíþjóð í úrslitaleiknum, 20-22.Mörk Íslands: Valdimar Grímsson 6/2, Geir Sveinsson 5, Júlíus Jónasson 4, Héðinn Gilsson 2, Sigurður Bjarnason 1, Jakob Sigurðsson 1.Ísland 34-32 Rússland, EM 2006Arnór Atlason skoraði tvö mörk gegn Rússum á EM 2006.vísir/epaÍsland tapaði fyrstu ellefu leikjunum gegn Rússlandi á stórmótum. Fyrsti sigurinn kom loks í milliriðli á EM 2006. Íslendingar léku frábærlega í leiknum í St. Gallen, eins og þeir gerðu á löngum köflum á EM í Sviss. Þeir byrjuðu reyndar illa og lentu 1-4 undir en komu svo með 9-1 áhlaup og náðu yfirhöndinni. Alexander Petersson kjálkabrotnaði snemma leiks en lét það ekki á sig fá. Alexander, sem er með svipað háan sársaukaþröskuld og innbrotsþjófarnir í Home Alone myndunum, lék frábærlega og skoraði fjögur mörk. Hann spilaði hins vegar ekki fleiri leiki á EM. Guðjón Valur Sigurðsson var markahæstur Íslendinga með ellefu mörk. Ólafur Stefánsson, sem meiddist í fyrsta leik mótsins gegn Serbíu og Svartfjallalandi, skoraði átta mörk og gaf tíu stoðsendingar. Lemstrað íslenskt lið tapaði naumlega fyrir Króatíu, 28-29, í næsta leik sínum í milliriðli. Og í síðasta leiknum eyðilagði óbermið Kjetil Strand svo allt, ósælla minninga.Mörk Íslands: Guðjón Valur Sigurðsson 11, Ólafur Stefánsson 8, Alexander Petersson 4, Róbert Gunnarsson 4, Snorri Steinn Guðjónsson 4/1, Arnór Atlason 2, Vignir Svavarsson 1.Ísland 33-31 Rússland, ÓL 2008Snorri Steinn skorar eitt tólf marka sinna gegn Rússum á Ólympíuleikunum 2008.vísir/gettyÍslendingar gáfu tóninn á Ólympíuleikunum 2008 með því að vinna Rússa, 33-31, í fyrsta leik sínum í Peking. Snorri Steinn Guðjónsson átti stórleik og skoraði tólf mörk úr jafn mörgum skotum. Sigurinn var öruggari en lokatölurnar gefa til kynna því Rússland skoraði sjö af síðustu níu mörkum leiksins. Björgvin Páll Gústavsson lék sinn fyrsta leik á stórmóti og varði tólf skot, eða 35% þeirra skota sem hann fékk á sig. Ingimundur Ingimundarson átti einnig eftirminnilega innkomu í vörnina. Guðjón Valur gat ekki leikið vegna meiðsla en Sturla Ásgeirsson fyllti skarð hans og skoraði þrjú mörk. Íslendingar sýndu styrk sinn strax í fyrsta leik og fylgdu því eftir með sigri á Þjóðverjum í næsta leik, 33-29. Íslensku leikmennirnir komust svo alla leið í úrslit og fengu silfur og fálkaorðu við heimkomuna.Mörk Íslands: Snorri Steinn Guðjónsson 12/6, Alexander Petersson 6, Arnór Atlason 6, Sturla Ásgeirsson 3, Ólafur Stefánsson 3, Róbert Gunnarsson 2, Ásgeir Örn Hallgrímsson 1.Ísland 38-30 Rússland, EM 2010Vignir Svavarsson skorar gegn Rússum á EM 2010.vísir/epaAuðveldasti leikur Íslands á EM 2010 var gegn Rússlandi. Eftir að hafa gert jafntefli við Króata, 26-26, í fyrsta leik sínum í milliriðli rústuðu Íslendingar Rússum, 38-30, í öðrum leiknum. Þetta var þriðji sigur Íslands í síðustu fjórum leikjum gegn Rússlandi á stórmótum. Leikurinn í Vín var aldrei spennandi. Ísland komst í 8-2 og munurinn í hálfleik var níu mörk, 19-10. Guðmundur Guðmundsson gat leyft sér þann munað að hvíla lykilmenn í seinni hálfleiknum sem var aldrei spennandi. Ellefu leikmenn Íslands skoruðu í leiknum. Snorri Steinn og Alexander voru markahæstir með sjö mörk hvor. Björgvin Páll varði 16 skot (41%). Ísland sem tryggði sér svo sæti í undanúrslitum með sigri á Noregi, 35-34, í miklum spennuleik. Íslendingar töpuðu fyrir Frökkum í undanúrslitunum en unnu Pólverja í bronsleiknum og fenug því verðlaun á öðru stórmótinu í röð.Mörk Íslands: Snorri Steinn Guðjónsson 7/2, Alexander Petersson 7, Sturla Ásgeirsson 5, Vignir Svavarsson 3, Ásgeir Örn Hallgrímsson 3, Ólafur Stefánsson 3/1, Róbert Gunnarsson 3, Aron Pálmarsson 2, Guðjón Valur Sigurðsson 2, Arnór Atlason 2, Ólafur Guðmundsson 1.
EM 2020 í handbolta Mest lesið Þjálfari Orra Steins sáttur: Hann hefur haldið kjafti Fótbolti Þurfti að eyða níu og hálfum tíma í leigubíl til að komast í burtu Sport Hrósar Alberti en Inter þarf að safna fyrir honum Fótbolti Landsliðsmaður blandar sér í umræðuna um umdeilda sigurkörfu Njarðvíkinga Körfubolti Ákærður fyrir að slá barn sitt með blautu handklæði Sport Fyrstir áfram en þjálfarinn meiddist alvarlega þegar leikmaður hans lenti á honum Körfubolti Liðsfélagarnir í sumarfríi en hann að vinna tólf tíma á dag á Íslandi Körfubolti „Röng ákvörðun af minni hálfu og ég tek fulla ábyrgð“ Íslenski boltinn Saman á ný eftir súrrealískan dag: „Við erum eins og lím við hvorn annan“ Íslenski boltinn Sjáðu dramatíkina í fyrsta grasleiknum á KR-vellinum og öll hin mörkin Íslenski boltinn Fleiri fréttir Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira