Fulltrúar Bandaríkjastjórnar skrifuðu yfirlýsingu fyrir Úkraínuforseta um rannsókn á Biden Kjartan Kjartansson skrifar 3. október 2019 23:45 Kurt Volker þegar hann mætti í þinghúsið í morgun. Engar skýringar hafa verið gefnar á því hvers vegna hann sagði af sér skyndilega á föstudag. AP/J.Scott Applewhite Tveir sendifulltrúar Bandaríkjastjórnar í Úkraínu skrifuðu drög að yfirlýsingu fyrir forseta Úkraínu þar sem hann hefði heitið því að rannsaka pólitískan andstæðing Donalds Trump Bandaríkjaforseta eins og hann hefur þrýst á úkraínsk stjórnvöld að gera. Annar fulltrúanna varaði Rudy Giuliani, lögmann Trump, við því að leggja trúnað á upplýsingar um Joe Biden, fyrrverandi varaforseta. Trump stendur frammi fyrir rannsókn á mögulegu embættisbroti vegna tilrauna hans til að þrýsta á úkraínsk stjórnvöld að rannsaka Biden. Uppljóstrari kvartaði til innri endurskoðanda leyniþjónustunnar undan því að Trump hefði mögulega misnotað vald sitt í símtali við Volodímír Zelenskíj, forseta Úkraínu, í sumar og að Hvíta húsið hefði reynt að fela endurrit á símtalinu. Trump þrýsti á úkraínska forsetann að rannsaka Biden vegna meintrar spillingar á sama tíma og hann hélt eftir hundruð milljóna hernaðaraðstoð. Í samantekt á símtalinu sem Hvíta húsið birti sjálft kom fram að Trump bað Zelenskíj að vinna með William Barr, dómsmálaráðherra, og Giuliani, persónulegum lögmanni Trump, að slíkri rannsókn. Giuliani hefur undanfarna mánuði hitt úkraínska saksóknara og stjórnmálamenn til að reyna að afla skaðlegra upplýsinga um Biden, líklegan mótframbjóðanda Trump í forsetakosningum á næsta ári. Demókratar sem fara með meirihluta í fulltrúadeild þingsins hófu formlega rannsókn á mögulegum embættisbrotum Trump vegna þess í síðustu viku.Rudy Giuliani, einkalögmaður Donald Trump.Getty/Jeff NeiraAðstoðaði Giuliani þrátt fyrir viðvaranirNew York Times fullyrðir í kvöld að tveir helstu sendifulltrúa Bandaríkjastjórnar gagnvart Úkraínu hafi skrifað upp yfirlýsingu fyrir Zelenskíj sem hefði skuldbundið hann til að fylgja eftir rannsókn á Biden eins og Trump vildi. Gordon D. Sondland, sendiherra Bandaríkjanna við Evrópusambandið, og Kurt Volker, sendifulltrúi í Úkraínu, eru sagðir hafa gert drögin. Volker sagði skyndilega af sér á föstudag án skýringa. Giuliani og einn helsti ráðgjafi Zelenskíj eru sagðir hafa verið meðvitaður um yfirlýsinguna. Með henni hefði Zelenskíj skuldbundið sig til að rannsaka olíufyrirtæki þar sem sonur Biden sat í stjórn, og rakalausa samsæriskenningu sem Trump aðhyllist um að það hafi verið Úkraína, ekki Rússland, sem hafði afskipti af forsetakosningum í Bandaríkjunum árið 2016. Volker, sem var sérstakur sendifulltrúi Bandaríkjanna gagnvart Úkraínu þar til hann sagði af sér á föstudag, bar vitni á bak við luktar dyr fyrir nefnd fulltrúadeildarinnar í dag. Ekki hafa verið gefnar skýringar á því hvers vegna hann sagði af sér.Washington Post hefur eftir heimildum sínum að Volker hafi sagt nefndinni að hann hafi varað Giuliani við því að upplýsingarnar sem hann fékk frá úkraínskum stjórnmálamönnum um Biden væru ekki trúverðugar. Engu að síður virðist Volker hafa aðstoðað Giuliani við að koma á fundum með úkraínskum áhrifamönnum. Giuliani hefur meðal annars birt textaskilaboð þeirra Volker þess efnis. Trump og bandamenn hans hafa haldið því fram án nokkurra sannana að þegar Biden þrýsti á úkraínsk stjórnvöld um að reka saksóknara árið 2015 hafi hann gert það til að hjálpa Hunter syni sínum sem sat í stjórn olíufyrirtækis úkraínsks auðmanns. Ekkert hefur þó komið fram sem styður þær ásakanir. Þrýstingurinn á Úkraínu um að reka saksóknarann Viktor Sjokín var alþjóðlegur og naut stuðnings beggja flokka í Bandaríkjunum. Saksóknarinnar var almennt talinn draga lappirnar í að rannsaka spillingu í Úkraínu. Hótanir Biden garð ríkisstjórnarinnar í Kænugarði komu enn fremur eftir að rannsókn á olíufyrirtækinu hafði verið sett á ís. Ekkert hefur komið fram sem bendir til þess að Biden-feðganir hafi gert nokkuð saknæmt.Trump sagðist í dag telja að Kína og Úkraína ætti að rannsaka Joe Biden. Ekkert hefur komið fram sem bendir til þess að varaforsetinn fyrrverandi hafi gert nokkuð saknæmt.AP/John RaouxHvatning Trump til Kína og Úkraínu sögð „viðbjóðsleg“ Þrátt fyrir að Trump sé þegar til rannsóknar fyrir að hafa misbeitt valdi sínu til að þvinga pólitískan greiða út úr erlendu ríki bætti forsetinn um betur í dag þegar hann hvatti Úkraínumenn og Kínverja til að rannsaka Biden. Adam Schiff, formaður leyniþjónustunefndar Bandaríkjaþings sem stýrir rannsókninni á mögulegum embættisbrotum Trump að miklu leyti, sagði ummæli Trump „viðbjóðsleg“. „Enn og aftur er forseti Bandaríkjanna að stinga upp á, að hvetja, erlent ríki til að skipta sér af forsetakosningum okkar,“ sagði Schiff sem taldi það benda til þess að Trump hefði ekkert lært af rannsókninni á meintu samráði framboðs hans og Rússa sem stóð yfir í um tvö ár. Trump og bandamenn hans hafa deilt hart á uppljóstrarann sem vitað er að er starfsmaður leyniþjónustunnar CIA. Innri endurskoðandi leyniþjónustunnar mat kvörtun hans „trúverðuga og áriðandi“ þó að hann teldi að uppljóstrarinn gæti verið hlutdrægur gegn Trump. Endurskoðandinn taldi það ekki breyta staðreyndum kvörtunarinnar. Samantekt Hvíta hússins á símtali Trump og Zelenskíj staðfesti síðan margt það sem kom fram í kvörtuninni.CNN-fréttastöðin sagði í kvöld frá því að fyrirvari innri endurskoðandans um mögulega hlutdrægni uppljóstrarans hafi snúið að því að hann sé skráður kjósandi í forvali Demókrataflokksins. Eins og áður segir hafa Trump og bandamenn hans ekki lagt fram neinar sannanir til að styðja ásakanir þeirra á hendur Biden-feðgunum. CNN hafnaði þannig að birta tvær sjónvarpsauglýsingar frá framboði Trump á þeim forsendum að í þeim væri að finna falskar fullyrðingar. AP-fréttastofan segir að sjónvarpsstöðin hafi fallist á að birta þriðju auglýsinguna sem framboðið vildi fá birta. Donald Trump Ákæruferli þingsins gegn Trump Úkraína Tengdar fréttir Trump kallar eftir því að yfirvöld Kína rannsaki Biden Donald Trump, forseti Bandaríkjanna, kallaði eftir því í dag að yfirvöld Kína rannsaki Joe Biden, pólitískan andstæðing sinn, og son hans, Hunter Biden. 3. október 2019 15:45 Óvissa um eftirrit af símtali Trump og Zelensky Núverandi og fyrrverandi starfsmenn Hvíta hússins, segja eftirrit af símtali Donald Trump og Volodymir Zelensky, forsetum Bandaríkjanna og Úkraínu, bera ummerki þess að hluti samskipta þeirra hafi verið fjarlægður. 3. október 2019 11:00 Repúblikanar vildu einnig láta reka saksóknarann úkraínska Nokkrir öldungadeildarþingmenn Repúblikanaflokksins kölluðu eftir endurbótum á embætti ríkissaksóknara Úkraínu, um svipað leyti og Joe Biden gerði hið sama. 3. október 2019 14:59 Pence varaforseti blandaðist inn í þrýsting Trump á Úkraínu Trump hefur farið mikinn vegna Úkraínumálsins í dag. Á blaðamannafundi með forseta Finnlands gaf hann sterklega í skyn að einn leiðtoga demókrata væri með lítil typpi. 2. október 2019 23:08 Mest lesið Vitni segir bílinn hafa ekið hratt fram úr sér skömmu fyrir slysið Innlent Neita að borga tjón eftir að hafa mokað snjó yfir bíl Innlent Isavia stefnir að því að hefja gjaldtöku í vikunni Innlent „Þetta er stórtjón fyrir okkur“ Innlent Myndir: Allt á floti í Kringlunni Innlent „Hvernig getur sama fólk snúist svona í skoðunum sínum?“ Innlent Flúðu vettvang eftir harðan árekstur Innlent Oddviti Garðarbæjarlistans hættir í Samfylkingunni Innlent Óttast að Quang Le hafi samband við þolendur Innlent Stútfull hátíðardagskrá um allt land á 17. júní Innlent Fleiri fréttir Netanyahu vill ekki gera hlé á hernaði Hyggjast gera dagleg hlé á árásum til að auka við neyðaraðstoð Katrín kemur fram í fyrsta sinn frá krabbameinsgreiningu Festust á hvolfi í hálftíma Krefst landsvæðis og að Úkraína dragi NATO-umsóknina til baka Vara við TikTok-æði eftir handtöku tveggja unglinga Samþykktu fimmtíu milljarða dala aðstoð til Úkraínu Lést eftir að hafa fengið rafstraum í heitum potti Óeirðaástand í Buenos Aires vegna aðgerðarpakka Milei Lokuðu ferðamannastöðum og skólum vegna mikils hita Gamall handritsbútur reyndist úr guðspjalli um æsku Krists Aðeins fjórðungur Breta vill vera utan ESB Reyna að mynda bandalög fyrir skyndikosningar í Frakklandi Óvíst með afdrif vopnahléstillögunnar Frederiksen enn ekki með sjálfri sér eftir árásina Íhuga að virða tímamótadóm að vettugi Biden virðir sakadóminn yfir syni sínum Óhollar vörur drepa fjórðung Evrópubúa Stilla upp harðlínumönnum til að fylla skarð Raisi Flugfélagið býður hinum slösuðu minnst 1,4 milljónir í bætur Bananarisi ábyrgur fyrir morðum kólumbískrar dauðasveitar Umdeildur dómari vill trúræknari Bandaríki Varaforseti Malaví á meðal tíu látinna Hamas samþykkir vopnahléstillöguna Merki um stríðsglæpi beggja fylkinga þegar gíslar voru frelsaðir Skutu viðvörunarskotum að norðurkóreskum hermönnum Hægri öfl gætu eignast sinn fyrsta forsætisráðherra Tólf ára drengir sekir um morð á nítján ára gömlum manni Öryggisráðið styður friðartillögu Biden Flugvél varaforseta Malaví týnd Sjá meira
Tveir sendifulltrúar Bandaríkjastjórnar í Úkraínu skrifuðu drög að yfirlýsingu fyrir forseta Úkraínu þar sem hann hefði heitið því að rannsaka pólitískan andstæðing Donalds Trump Bandaríkjaforseta eins og hann hefur þrýst á úkraínsk stjórnvöld að gera. Annar fulltrúanna varaði Rudy Giuliani, lögmann Trump, við því að leggja trúnað á upplýsingar um Joe Biden, fyrrverandi varaforseta. Trump stendur frammi fyrir rannsókn á mögulegu embættisbroti vegna tilrauna hans til að þrýsta á úkraínsk stjórnvöld að rannsaka Biden. Uppljóstrari kvartaði til innri endurskoðanda leyniþjónustunnar undan því að Trump hefði mögulega misnotað vald sitt í símtali við Volodímír Zelenskíj, forseta Úkraínu, í sumar og að Hvíta húsið hefði reynt að fela endurrit á símtalinu. Trump þrýsti á úkraínska forsetann að rannsaka Biden vegna meintrar spillingar á sama tíma og hann hélt eftir hundruð milljóna hernaðaraðstoð. Í samantekt á símtalinu sem Hvíta húsið birti sjálft kom fram að Trump bað Zelenskíj að vinna með William Barr, dómsmálaráðherra, og Giuliani, persónulegum lögmanni Trump, að slíkri rannsókn. Giuliani hefur undanfarna mánuði hitt úkraínska saksóknara og stjórnmálamenn til að reyna að afla skaðlegra upplýsinga um Biden, líklegan mótframbjóðanda Trump í forsetakosningum á næsta ári. Demókratar sem fara með meirihluta í fulltrúadeild þingsins hófu formlega rannsókn á mögulegum embættisbrotum Trump vegna þess í síðustu viku.Rudy Giuliani, einkalögmaður Donald Trump.Getty/Jeff NeiraAðstoðaði Giuliani þrátt fyrir viðvaranirNew York Times fullyrðir í kvöld að tveir helstu sendifulltrúa Bandaríkjastjórnar gagnvart Úkraínu hafi skrifað upp yfirlýsingu fyrir Zelenskíj sem hefði skuldbundið hann til að fylgja eftir rannsókn á Biden eins og Trump vildi. Gordon D. Sondland, sendiherra Bandaríkjanna við Evrópusambandið, og Kurt Volker, sendifulltrúi í Úkraínu, eru sagðir hafa gert drögin. Volker sagði skyndilega af sér á föstudag án skýringa. Giuliani og einn helsti ráðgjafi Zelenskíj eru sagðir hafa verið meðvitaður um yfirlýsinguna. Með henni hefði Zelenskíj skuldbundið sig til að rannsaka olíufyrirtæki þar sem sonur Biden sat í stjórn, og rakalausa samsæriskenningu sem Trump aðhyllist um að það hafi verið Úkraína, ekki Rússland, sem hafði afskipti af forsetakosningum í Bandaríkjunum árið 2016. Volker, sem var sérstakur sendifulltrúi Bandaríkjanna gagnvart Úkraínu þar til hann sagði af sér á föstudag, bar vitni á bak við luktar dyr fyrir nefnd fulltrúadeildarinnar í dag. Ekki hafa verið gefnar skýringar á því hvers vegna hann sagði af sér.Washington Post hefur eftir heimildum sínum að Volker hafi sagt nefndinni að hann hafi varað Giuliani við því að upplýsingarnar sem hann fékk frá úkraínskum stjórnmálamönnum um Biden væru ekki trúverðugar. Engu að síður virðist Volker hafa aðstoðað Giuliani við að koma á fundum með úkraínskum áhrifamönnum. Giuliani hefur meðal annars birt textaskilaboð þeirra Volker þess efnis. Trump og bandamenn hans hafa haldið því fram án nokkurra sannana að þegar Biden þrýsti á úkraínsk stjórnvöld um að reka saksóknara árið 2015 hafi hann gert það til að hjálpa Hunter syni sínum sem sat í stjórn olíufyrirtækis úkraínsks auðmanns. Ekkert hefur þó komið fram sem styður þær ásakanir. Þrýstingurinn á Úkraínu um að reka saksóknarann Viktor Sjokín var alþjóðlegur og naut stuðnings beggja flokka í Bandaríkjunum. Saksóknarinnar var almennt talinn draga lappirnar í að rannsaka spillingu í Úkraínu. Hótanir Biden garð ríkisstjórnarinnar í Kænugarði komu enn fremur eftir að rannsókn á olíufyrirtækinu hafði verið sett á ís. Ekkert hefur komið fram sem bendir til þess að Biden-feðganir hafi gert nokkuð saknæmt.Trump sagðist í dag telja að Kína og Úkraína ætti að rannsaka Joe Biden. Ekkert hefur komið fram sem bendir til þess að varaforsetinn fyrrverandi hafi gert nokkuð saknæmt.AP/John RaouxHvatning Trump til Kína og Úkraínu sögð „viðbjóðsleg“ Þrátt fyrir að Trump sé þegar til rannsóknar fyrir að hafa misbeitt valdi sínu til að þvinga pólitískan greiða út úr erlendu ríki bætti forsetinn um betur í dag þegar hann hvatti Úkraínumenn og Kínverja til að rannsaka Biden. Adam Schiff, formaður leyniþjónustunefndar Bandaríkjaþings sem stýrir rannsókninni á mögulegum embættisbrotum Trump að miklu leyti, sagði ummæli Trump „viðbjóðsleg“. „Enn og aftur er forseti Bandaríkjanna að stinga upp á, að hvetja, erlent ríki til að skipta sér af forsetakosningum okkar,“ sagði Schiff sem taldi það benda til þess að Trump hefði ekkert lært af rannsókninni á meintu samráði framboðs hans og Rússa sem stóð yfir í um tvö ár. Trump og bandamenn hans hafa deilt hart á uppljóstrarann sem vitað er að er starfsmaður leyniþjónustunnar CIA. Innri endurskoðandi leyniþjónustunnar mat kvörtun hans „trúverðuga og áriðandi“ þó að hann teldi að uppljóstrarinn gæti verið hlutdrægur gegn Trump. Endurskoðandinn taldi það ekki breyta staðreyndum kvörtunarinnar. Samantekt Hvíta hússins á símtali Trump og Zelenskíj staðfesti síðan margt það sem kom fram í kvörtuninni.CNN-fréttastöðin sagði í kvöld frá því að fyrirvari innri endurskoðandans um mögulega hlutdrægni uppljóstrarans hafi snúið að því að hann sé skráður kjósandi í forvali Demókrataflokksins. Eins og áður segir hafa Trump og bandamenn hans ekki lagt fram neinar sannanir til að styðja ásakanir þeirra á hendur Biden-feðgunum. CNN hafnaði þannig að birta tvær sjónvarpsauglýsingar frá framboði Trump á þeim forsendum að í þeim væri að finna falskar fullyrðingar. AP-fréttastofan segir að sjónvarpsstöðin hafi fallist á að birta þriðju auglýsinguna sem framboðið vildi fá birta.
Donald Trump Ákæruferli þingsins gegn Trump Úkraína Tengdar fréttir Trump kallar eftir því að yfirvöld Kína rannsaki Biden Donald Trump, forseti Bandaríkjanna, kallaði eftir því í dag að yfirvöld Kína rannsaki Joe Biden, pólitískan andstæðing sinn, og son hans, Hunter Biden. 3. október 2019 15:45 Óvissa um eftirrit af símtali Trump og Zelensky Núverandi og fyrrverandi starfsmenn Hvíta hússins, segja eftirrit af símtali Donald Trump og Volodymir Zelensky, forsetum Bandaríkjanna og Úkraínu, bera ummerki þess að hluti samskipta þeirra hafi verið fjarlægður. 3. október 2019 11:00 Repúblikanar vildu einnig láta reka saksóknarann úkraínska Nokkrir öldungadeildarþingmenn Repúblikanaflokksins kölluðu eftir endurbótum á embætti ríkissaksóknara Úkraínu, um svipað leyti og Joe Biden gerði hið sama. 3. október 2019 14:59 Pence varaforseti blandaðist inn í þrýsting Trump á Úkraínu Trump hefur farið mikinn vegna Úkraínumálsins í dag. Á blaðamannafundi með forseta Finnlands gaf hann sterklega í skyn að einn leiðtoga demókrata væri með lítil typpi. 2. október 2019 23:08 Mest lesið Vitni segir bílinn hafa ekið hratt fram úr sér skömmu fyrir slysið Innlent Neita að borga tjón eftir að hafa mokað snjó yfir bíl Innlent Isavia stefnir að því að hefja gjaldtöku í vikunni Innlent „Þetta er stórtjón fyrir okkur“ Innlent Myndir: Allt á floti í Kringlunni Innlent „Hvernig getur sama fólk snúist svona í skoðunum sínum?“ Innlent Flúðu vettvang eftir harðan árekstur Innlent Oddviti Garðarbæjarlistans hættir í Samfylkingunni Innlent Óttast að Quang Le hafi samband við þolendur Innlent Stútfull hátíðardagskrá um allt land á 17. júní Innlent Fleiri fréttir Netanyahu vill ekki gera hlé á hernaði Hyggjast gera dagleg hlé á árásum til að auka við neyðaraðstoð Katrín kemur fram í fyrsta sinn frá krabbameinsgreiningu Festust á hvolfi í hálftíma Krefst landsvæðis og að Úkraína dragi NATO-umsóknina til baka Vara við TikTok-æði eftir handtöku tveggja unglinga Samþykktu fimmtíu milljarða dala aðstoð til Úkraínu Lést eftir að hafa fengið rafstraum í heitum potti Óeirðaástand í Buenos Aires vegna aðgerðarpakka Milei Lokuðu ferðamannastöðum og skólum vegna mikils hita Gamall handritsbútur reyndist úr guðspjalli um æsku Krists Aðeins fjórðungur Breta vill vera utan ESB Reyna að mynda bandalög fyrir skyndikosningar í Frakklandi Óvíst með afdrif vopnahléstillögunnar Frederiksen enn ekki með sjálfri sér eftir árásina Íhuga að virða tímamótadóm að vettugi Biden virðir sakadóminn yfir syni sínum Óhollar vörur drepa fjórðung Evrópubúa Stilla upp harðlínumönnum til að fylla skarð Raisi Flugfélagið býður hinum slösuðu minnst 1,4 milljónir í bætur Bananarisi ábyrgur fyrir morðum kólumbískrar dauðasveitar Umdeildur dómari vill trúræknari Bandaríki Varaforseti Malaví á meðal tíu látinna Hamas samþykkir vopnahléstillöguna Merki um stríðsglæpi beggja fylkinga þegar gíslar voru frelsaðir Skutu viðvörunarskotum að norðurkóreskum hermönnum Hægri öfl gætu eignast sinn fyrsta forsætisráðherra Tólf ára drengir sekir um morð á nítján ára gömlum manni Öryggisráðið styður friðartillögu Biden Flugvél varaforseta Malaví týnd Sjá meira
Trump kallar eftir því að yfirvöld Kína rannsaki Biden Donald Trump, forseti Bandaríkjanna, kallaði eftir því í dag að yfirvöld Kína rannsaki Joe Biden, pólitískan andstæðing sinn, og son hans, Hunter Biden. 3. október 2019 15:45
Óvissa um eftirrit af símtali Trump og Zelensky Núverandi og fyrrverandi starfsmenn Hvíta hússins, segja eftirrit af símtali Donald Trump og Volodymir Zelensky, forsetum Bandaríkjanna og Úkraínu, bera ummerki þess að hluti samskipta þeirra hafi verið fjarlægður. 3. október 2019 11:00
Repúblikanar vildu einnig láta reka saksóknarann úkraínska Nokkrir öldungadeildarþingmenn Repúblikanaflokksins kölluðu eftir endurbótum á embætti ríkissaksóknara Úkraínu, um svipað leyti og Joe Biden gerði hið sama. 3. október 2019 14:59
Pence varaforseti blandaðist inn í þrýsting Trump á Úkraínu Trump hefur farið mikinn vegna Úkraínumálsins í dag. Á blaðamannafundi með forseta Finnlands gaf hann sterklega í skyn að einn leiðtoga demókrata væri með lítil typpi. 2. október 2019 23:08