Fékk þriggja mánaða bann fyrir að birta uppstillingu liðs síns á Instagram

Emily Smith hefur verið dæmd í þriggja mánaða bann fyrir að birta uppstillingu ástralska krikketsliðsins Hobart Hurricanes á Instagram áður en hún birtist opinberlega.

Þann 2. nóvember birti Smith uppstillingu Hobart Hurricans fyrir leik gegn Sydney Thunder á Instagram, um klukkutíma áður en uppstillingin átti að birtast.

Með því gerðist hún brotleg við reglur ástralska krikketssambandsins.

Smith fékk árs bann en þar af voru níu mánuðir skilorðsbundnir.

Hún fer því í þriggja mánaða bann og leikur ekki meira með Hobart Hurricanes á tímabilinu.