Viðskipti innlent

Stækka gamla sjónvarpshúsið og breyta í Hyatt hótel

Kolbeinn Tumi Daðason skrifar
Úr verðlaunatillögu Yrki Arkitekt fyrir Laugavegs og Brautarholtssvæðið. Myndin sýnir Borgarlínutorg en Hyatt hótelið verður þar sem hvíta húsið er sýnt í bakgrunni. Reitir gátu ekki útvegað myndir af hótelinu þar sem hönnun er ekki komin á það stig.
Úr verðlaunatillögu Yrki Arkitekt fyrir Laugavegs og Brautarholtssvæðið. Myndin sýnir Borgarlínutorg en Hyatt hótelið verður þar sem hvíta húsið er sýnt í bakgrunni. Reitir gátu ekki útvegað myndir af hótelinu þar sem hönnun er ekki komin á það stig.

Alþjóðlega hótelkeðjan Hyatt Hotels Corporation og Reitir fasteignafélag hafa undirritað sérleyfissamning um rekstur Hyatt Centric hótels að Laugavegi 176. Fasteignin, sem um áratuga skeið hýsti starfsemi Ríkissjónvarpsins, verður endurbyggð og stækkuð þannig að hún rúmi 169 herbergi, fundarsali, veitingastað, heilsurækt og skemmtileg almenningsrými í anda Hyatt hótelkeðjunnar.

Í tilkynningu frá Reitum segir að félagið stefni að því að halda eigninni í eignasafni félagsins til lengri tíma en selja rekstur hótelsins til traustra rekstraraðila.

Tvö og hálft ár eru síðan greint var frá viðræðum Reita við erlenda hótelkeðju. Þá stóð til að undirrita samninga sumarið 2017. Það hefur greinilega dregist nokkuð en nú hefur verið skrifað undir samninga.

„Hyatt Centric vörumerkið flokkast sem lífsstílshótel þar sem áhersla er lögð á að skapa skemmtilega stemningu. Um er að ræða fyrsta hótelið á Norðurlöndunum sem opnar undir vörumerki Hyatt keðjunnar og sjöunda Hyatt Centric hótelið í Evrópu, en það vörumerki hefur notið mikilla vinsælda frá því það var fyrst kynnt. Hyatt Centric leggur áherslu á hátt þjónustustig, vandað efnisval, fallega hönnun og nútímaleg herbergi í háum gæðaflokki,“ segir í tilkynningu frá Reitum.

Skipulagsyfirvöld í Reykjavík efndu til skipulagssamkeppni um reitinn ásamt nærliggjandi svæðum og lá verðlaunatillaga fyrir í lok sumars 2017. Verðlaunatillögu Yrkis Arkitekta má kynna sér hér.

Meðal annars átti að reisa á fjórða hundrað íbúða á Heklureitnum og bílaumboðið að flytja í Suður-Mjódd á lóð sem borgin myndi útvega. Mikil mótmæli urðu meðal íbúa í Breiðholti vegna fyrirhugaðar úthlutunar lóðar rétt við íþróttasvæði ÍR-inga. Strandaði málið. Forstjóri Heklu sagði í upphafi árs að samkomulag hefði verið brotið og borgin þyrfti að mæta afleiðingum þess.

Mikill vöxtur Hyatt

„Síðastliðið ár höfum við lagt mikla vinnu í að kynna okkur Norræna markaðinn og að kynnast þróunaraðilanum og fasteignaeigandanum á Íslandi. Innkoma okkar á markaðinn með Hyatt Centric Reykjavík er því mikilvægur áfangi fyrir okkur. Opnunin ber ekki eingöngu vitni um hinn mikla vöxt Hyatt þegar kemur að gæðahótelum í Evrópu heldur styður hún einnig áform okkar um að hasla okkur völl á mörkuðum þar sem svæðisbundnir aðilar ráða ríkjum,“ segir Peter Norman, framkvæmdastjóri þróunar hjá Hyatt.

„Það er mjög ánægjulegt að geta tilkynnt um opnun fyrsta Hyatt hótelsins á Íslandi. Vörumerkið er rótgróið og þekkt um allan heim og við sjáum mikil tækifæri fólgin í því að opna hótel í samstarfi við slíkan aðila. Hyatt býr yfir gríðarlegri þekkingu og reynslu þegar kemur að hótelþróun og rekstri sem við munum njóta góðs af í þessu verkefni sem Reitir hafa ákveðið að ýta úr vör. Hótelkeðja af þessari stærðargráðu hefur getu til þess að vekja athygli á Íslandi sem ferðamannastað og auka þannig eftirspurn ferðamanna til landsins. Koma Hyatt mun því í heild hafa jákvæð áhrif á íslenska ferðaþjónustu og hótelmarkaðinn í Reykjavík,“ segir Guðjón Auðunsson, forstjóri Reita.

Hyatt Hotels Corporation er leiðandi alþjóðleg hótelkeðja með höfuðstöðvar í Chicago í Bandaríkjunum. Vörumerki keðjunnar eru 20 talsins, öll í háum gæðaflokki. Þann 30. júní 2019 kom hótelkeðjan að rekstri 875 hótela í yfir sextíu löndum í sex heimsálfum að því er segir í tilkynningunni.

Reitir fasteignafélag hf. er íslenskt hlutafélag skráð á aðalmarkað Nasdaq Iceland kauphallarinnar. Starfsemi félagsins felst í eignarhaldi, útleigu og umsýslu atvinnuhúsnæðis sem er að stærstum hluta verslunar- og skrifstofuhúsnæði á höfuðborgarsvæðinu. Fasteignir í eigu félagsins eru um 140 talsins, um 460 þúsund fermetrar að stærð.


Tengdar fréttir

Þekkt hótelkeðja í gamla sjónvarpshúsið

Samningaviðræður standa yfir á milli Reita og alþjóðlegrar hótelkeðju. Ritað verður undir samninga síðar í sumar ef allar forsendur ganga eftir. Herbergjafjöldi verður um 120 til 160 auk verslunar- og þjónusturýma á jarðhæð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,97
21
102.289
FESTI
2,84
16
385.019
MAREL
2,39
26
506.488
BRIM
2,37
6
62.304
VIS
2,13
17
431.999

Mesta lækkun dagsins


Félag
Br.%
Fjöldi
Velta*
EIM
-1,37
2
27.000
ARION
-1,24
25
330.100
LEQ
-0,92
4
131.254
SYN
-0,27
1
2.092
Velkomin á Vísi. Þessi vefur notar vafrakökur. Sjá nánar.