Bílar

Lewis Hamilton vill að Mercedes-Benz hætti að nota leður

Kristinn Ásgeir Gylfason skrifar
Hamilton fagnar sjötta heimsmeistaratitlinum.
Hamilton fagnar sjötta heimsmeistaratitlinum. vísir/getty

Lewis Hamilton ökumaður Mercedes-Benz liðsins í Formúlu 1 hefur farið þess á leit við bílaframleiðandann að hætt verði að nota leður í framleiðslu bílanna.

„Ég er að reyna að ýta undir sjálfbærni í mínu liði. Ég er að reyna að komast meira að hjá Formúlu 1 og vera meðvitaðari um umhverfið,“ sagði sexfaldi heimsmeistarinn í samtali við malasíkst lífstílstímarit.

„Mercedes-Benz er ristastórt fyrirtæki. Ég á símafund með framkvæmdastjóranum seinna í dag til að ræða hvort við getum unnið að því að hætta allri notkun leðurs í framleiðslunni. Það er eitthvað sem ég vil gjarnan koma að,“ bætti Hamilton við.

Hamilton er duglegur að fjalla um veganisma og hefur ítrekað vakið athygli á umhverfismálum og réttindum dýra á samfélagsmiðlum.

Hann var einn af framleiðendum heimildamyndarinnar The Game Changers sem fjallar um mýtur um að prótein úr dýraafurðum sé nauðsynlegt til að ná árangri í íþróttum.

Volvo Polestar 2 er 100% vegan rafbíll.Vísir/Getty

Vegan bílar

Hamilton er ekki sá eini sem sér fyrir sér framtíð með vegan bílum. Aukin eftirspurn neytenda fyrir vegan bifreiðum hefur leitt framleiðendur á þessa braut nú þegar. Tesla Model Y og Model 3 verða að fullu vegan á næsta ári.

Þá hefur Volvo eins og svo oft áður verið brautryðjandi í þessu og má beda á Polestar 2, nýjan rafbíl frá sænska framleiðandanum. Polestar 2 er 100% vegan.

Þá eru margir framleiðendur að þróa efni sem er áþekkt leðri í áferð og útlit en er vegan. Ford, Honda, Jaguar, Porsche og meira að segja bentley eru allt framleiðendur sem sjá þörf til slíkrar þróunar.


Tengdar fréttir

Lewis Hamilton prófar Mercedes-AMG One

Mercedes-AMG One últrabíllinn hefur reynst erfiðari í smíðum en gert var ráð fyrir. Miðað við prófanirnar í myndbandinu þá er hann biðarinnar virði.

Alonso sakar Hamilton um hræsni

Spánverjinn segir að heimsmeistarinn í Formúlu 1 sé ekki jafn mikill umhverfisverndarsinni og hann gefur sig út fyrir að vera.

Tíu atvik sem tryggðu Hamilton titilinn í ár

Lewis Hamilton tryggði sér sinn sjötta heimsmeistaratitil í Formúlu 1 um síðustu helgi. Ljóst var nokkuð snemma að Hamilton myndi tryggja sér titilinn en það var þó ekkert auðvelt fyrir Lewis og Mercedes.






×