Körfubolti

„Drullist til að virða að þið séuð að spila fyrir KR“

Ingvi Þór Sæmundsson skrifar

Fannar Ólafsson fór mikinn þegar rætt var um KR í Domino‘s Körfuboltakvöldi á föstudaginn.

KR vann Val, 87-76, í 10. umferð Domino‘s deildar karla á fimmtudaginn. Þetta var fyrsti sigur KR-inga í fjórum leikjum.

„Þú ert ekki að spila með neinu öðru en KR. Það fer í taugarnar á mér, og ég ætla að fá að segja það, að menn virði það ekki að vera í meistaraumhverfi. Menn þurfa að gera það þeir ætla að gera 100%. Annars geta þeir verið annars staðar,“ sagði Fannar sem var mikið niðri fyrir.

„Ég nenni ekki að horfa á eitthvað blaður. Það er búið að búa til alvöru grunn þarna og virðið það. Þetta snýst um hugarfarið hjá mönnum. Drullist til að virða að þið séuð að spila fyrir KR. Menn skulu virða þessa sögu og það sem búið er að gera þarna.“

Innslagið í heild sinni má sjá í spilaranum hér fyrir ofan.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.