Handbolti

Gunnar Steinn öflugur þegar Ribe-Esbjerg komst í 2. sætið

Ingvi Þór Sæmundsson skrifar
Gunnar Steinn kom með beinum hætti að átta mörkum gegn SønderjyskE.
Gunnar Steinn kom með beinum hætti að átta mörkum gegn SønderjyskE. vísir/getty
Íslendingarnir í Ribe-Esbjerg skoruðu samtals sjö mörk þegar liðið vann SønderjyskE, 30-24, í dönsku úrvalsdeildinni í kvöld.



Með sigrinum komst Ribe-Esbjerg upp í 2. sæti deildarinnar. Liðið er með 17 stig, sex stigum á eftir toppliði Aalborg.



Gunnar Steinn Jónsson skoraði fjögur mörk fyrir Ribe-Esbjerg í kvöld og gaf fjórar stoðsendingar. Rúnar Kárason skoraði þrjú mörk.



Daníel Þór Ingason komst ekki á blað hjá Ribe-Esbjerg sem hefur unnið tvo leiki í röð.



Arnar Birkir Hálfdánsson skoraði fjögur mörk fyrir SønderjyskE og gaf þrjár stoðsendingar.



SønderjyskE er í 6. sæti deildarinnar. Liðið hefur tapað tveimur leikjum í röð.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.