Viðskipti innlent

Tuttugu misstu vinnuna hjá Íslandsbanka í morgun

Kolbeinn Tumi Daðason skrifar
Birna Einarsdóttir er bankastjóri Íslandsbanka.
Birna Einarsdóttir er bankastjóri Íslandsbanka. Vísir/Hanna
Íslandsbanki sagði í dag upp tuttugu starfsmönnum. Edda Hermannsdóttir, samskiptastjóri bankans, segir í samtali við Vísi að um sé að ræða starfsfólk víða að í bankanum, þó ekki starfsfólk í efstu lögum bankans, og flestir hafi verið í starfi í höfuðstöðvunum í Smáralind. Viðskiptablaðið greindi fyrst frá.

Edda segir að fækkað hafi í starfsliði bankans um alls níutíu á árinu þegar allt sé til talið. Fólki sagt upp, fólk hættir af sjálfsdáðum eða vegna aldurs og þar fram eftir bókunum. Tuttugu var sagt upp hjá bankanum í september og sextán í maí.

Hún segir uppsagnirnar í dag ekki marka nein tímamót heldur sé um að ræða hagræðingaraðgerðir sem verið hafi til umræðu vegna breytinga í bankaþjónustu.

Starfsfólk sé á uppsagnarfresti en það sé misjafnt eftir samningum starfsfólks til hve langs tíma fresturinn sé.


Tengdar fréttir






Fleiri fréttir

Sjá meira


×