LeBron stórkostlegur í fjórða sigri Lakers í röð
Los Angeles Lakers vann Dallas Mavericks, 110-119, eftir framlengingu í NBA-deildinni í körfubolta í nótt. Lakers er á toppnum í Vesturdeildinni ásamt San Antonio Spurs. Þetta var fjórði sigur liðsins í röð.
Danny Green tryggði Lakers framlengingu þegar hann jafnaði í 103-103 með þriggja stiga skoti í þann mund sem leiktíminn rann út. Lakers var svo sterkari aðilinn í framlengingunni.
DANNY GREEN TIES IT UP AT THE BUZZER #LakeShow 103#MFFL 103
OVERTIME ON @ESPNNBA! pic.twitter.com/t5kLLG6ZMK
— NBA (@NBA) November 2, 2019
LeBron James átti stórkostlegan leik fyrir Lakers; skoraði 39 stig, tók tólf fráköst og gaf 16 stoðsendingar. Antony Davis skoraði 31 stig. Luka Doncic var allt í öllu hjá Dallas með 31 stig, 13 fráköst og 15 stoðsendingar.
A TRIPLE-DOUBLE DUEL IN DALLAS!@KingJames: 39 PTS, 12 REB, 16 AST@luka7doncic: 31 PTS, 13 REB, 15 AST#LakeShow #MFFL pic.twitter.com/gLGztikzzq
— NBA (@NBA) November 2, 2019
Sjö aðrir leikir fóru fram í NBA-deildinni í nótt.
Boston Celtics vann sinn fjórða sigur í röð þegar liðið lagði New York Knicks að velli, 104-102. Jayson Tatum skoraði sigurkörfuna þegar 1,3 sekúndur voru eftir af leiknum. Kemba Walker skoraði 33 stig fyrir Boston og Tatum 24.
33 PTS | 6 REB | 5 AST@KembaWalker led all scorers in Boston for the @celtics win! #Celtics pic.twitter.com/5I6AjDoD38
— NBA (@NBA) November 2, 2019
San Antonio vann Golden State Warriors, 110-127. Ekki nóg með að Golden State hafi tapað heldur meiddist Draymond Green á fingri í leiknum.
Patty Mills skoraði 31 stig fyrir San Antonio en D'Angelo Russell var stigahæstur hjá Golden State með 30 stig.
.@Patty_Mills scored a season-high 31 PTS (6/9 3FG) in the @spurs road W! #GoSpursGo pic.twitter.com/d6E8eFHlnD
— NBA (@NBA) November 2, 2019
Þrjátíuogsex stig frá James Harden dugðu Houston Rockets ekki til gegn Brooklyn Nets. Lokatölur 123-116, Brooklyn í vil.
Taurean Prince skoraði 27 stig fyrir Brooklyn, Chris LaVert 25 og Kyrie Irving 22.
Úrslitin í nótt:
Dallas 110-119 Lakers
Boston 104-102 NY Knicks
Golden State 110-127 San Antonio
Brooklyn 123-116 Houston
Indiana 102-95 Cleveland
Orlando 91-123 Milwaukee
Chicago 112-106 Detroit
Sacramento 102-101 Utah
the NBA standings after an action packed Friday night around the Association! pic.twitter.com/Ovyi7rJbea
— NBA (@NBA) November 2, 2019
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
