Jair Bolsonaro Brasilíuforseti hefur varað stuðningsmenn sína við að „gera mistök“ og gefa „skúrkinum“ vopn í baráttu sinni.



Bolsonaro lét orðin falla á Twitter, en þó að hann nefni engin nöfn er ljóst að hann vísar þar í vinstrimanninn og fyrrverandi forseta, Luiz Inácio Lula da Silva, eða Lula, sem var sleppt úr fangelsi í gær.



„Gefið skúrkinum [p. canalha] skotfæri, sem gengur sem stendur laus, en er sekur,“ sagði Bolsonaro á Twitter. „Varðmenn frelsis og þess góða, við megum ekki gera nein mistök,“ hélt forsetinn svo áfram.



Með dómi Hæstiréttar í Brasilíu í gær voru felldar úr gildi reglur sem fela í sér að dæmdir einstaklingar sem hafi beðið lægri hlut eftir eina áfrýjun skuli fara í fangelsi. Varð það til þess að Lula var sleppt í gær, en hann hafði áður hlotið dóm fyrir spillingu.



Lula var forseti Brasilíu á árunum 2003 til 2010, og nýtur enn mikilla vinsælda meðal stórs hluta Brasilíumenna.