Í tilefni af Bleikum október hafa HSÍ og Strákarnir okkar ákveðið að leggja Krabbameinsfélagið lið í samvinnu við CharityShirts.is.
Boðin verður upp árituð landsliðstreyja frá strákunum okkar sem Aron Pálmarsson spilaði í á HM í janúar síðastliðnum.
Allir leikmenn íslenska landsliðsins í janúar skrifuðu nafn sitt á treyjuna.
Til að taka þátt og eiga möguleika á að fá treyjuna ferðu inn á www.charityshirts.is
Þúsund krónur kostar að taka þátt og leggja málefninu lið og þá átt þú möguleika að eignast treyjuna. Heildarupphæðin sem safnast rennur svo til Krabbameinsfélagsins.
Íslenska landsliðið er í riðli með Dönum, Ungverjum og Rússum en riðillinn verður spilaður í Malmö í Svíþjóð. Fyrsti leikur strákanna okkar er á móti Dönum 11. janúar.
