Lífið

Kröfurnar sem gerðar eru til flugfreyja og -þjóna á fyrsta farrými hjá Emirates

Stefán Árni Pálsson skrifar
Siti Nurazlin segir frá því hvernig lífið er sem flugfreyja hjá Emirates.
Siti Nurazlin segir frá því hvernig lífið er sem flugfreyja hjá Emirates.

Á hverju ári eru 180.000 flug á vegum flugfélagsins Emirates. Í vélunum eru 60 milljónir manna en alls eru um 21 þúsund starfsmenn um borð í þessum vélum.

Á YouTube-síðu Buisness Insider er farið vel yfir þær kröfu sem gerðar eru til starfsfólksins sem starfar hjá fyrirtækinu og þá sérstaklega um þá sem starfa á fyrsta farrými.

Skilyrðin eru þónokkur og til að mynda verður maður að vera orðinn 21 árs. Starfsmennirnir verða að vera 160 sentímetrar á hæð og altalandi á ensku.

Einnig er ekki leyfilegt að vera með sjáanlegt húðflúr. Flugfreyja hjá Emirates segir í innslaginu að hún verði að halda sér í formi líkamlega fyrir starfið. Neglurnar þurfa að vera vel snyrtar, aðeins má vera með perlueyrnalokka og bannað er að bera hálsmen.

Emirates fær yfir 140 þúsund umsóknir um starf sem flugfreyja eða þjónn á ári hverju.

Hér að neðan má sjá innslagið í heild sinni.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.