Bílar

Hulunni svipt af nýjum Toyota Yaris

Kristinn Ásgeir Gylfason skrifar
Nýr Yaris er væntanlegur á næsta ári.
Nýr Yaris er væntanlegur á næsta ári. Toyota

Toyota kynnti í gær nýja kynslóð af Toyota Yaris. Hann er lægri, breiðari og grimmari en áður.

Fjórða kynslóðin sem kynnt var til sögunnar í gær er að öllu leyti uppfærður, hann er 40 mm lægri, 50 mm breiðari og 5 mm styttri en þriðja kynslóðin.

Nýji Yaris-inn nýtir svokallaðan GA-B grunn. Sá grunnur er hluti af heildrænum hönnunarhugmyndum Toyota (Toyota New Global Architecture - TNGA). Grunnurinn svipar til GA-C sem er notaður í Prius, C-HR og nýju Corolla bílana.

Í stuttu máli þýðir þetta að fjórða kynslóðin af Yaris verður sú öruggasta og stífasta hingað til. Toyota hefur meira að segja sagt um Yaris að hann sé „hannaður til að vera heimsins öruggasti smábíll.“

Útlit bílsins er ekkki ósvipað nýlega útkominni Corollu. Myndirnar sem birtar hafa verið ýta undir það með rauðum og svörtum tvítóna útgáfum.

Bíllinn verður fáanlegur með sprengihreyflum ásamt því að vera fáanlegur sem tvinnbíll og með rafmangs fjórhjóladrifi. Hann verður einnig fáanlegur bæði sjálf- og beinskiptur.

Þá munu framsætin vera fáanleg með snúningsvirkni, sem þýðir að auðveldara verður að stíga inn í óg út úr bílnum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.