Sigurjón Sighvatsson gaf Steinda góð ráð í Hollywood

Þættirnir Góðir Landsmenn með Steinþóri Hróari Steinþórssyni í aðalhlutverki fóru í loftið á Stöð 2 á fimmtudagskvöldið.

Fyrsti þátturinn var vægast sagt óhefðbundinn en til að byrja með átti verkefnið að vera viðtalsþáttur við venjulegt fólk. En þegar leið á fór hann í allt aðra átt og var Steindi allt í einu mættur til London og síðan Los Angeles. Steindi var allt í einu farinn að kynna sér kvikmyndagerð.

Hann hitti til að mynda kvikmyndaframleiðandann Sigurjón Sighvatsson úti í Hollywood til þess að fá ráð frá einum mjög reynslumiklum í kvikmyndagerð.

Samtalið gekk nokkuð vel að, að mati Steinda í það minnsta.