Kitchenaid-hræra og kaffipokar notuð við framleiðslu amfetamíns í bústaðnum í Borgarfirði Sunna Kristín Hilmarsdóttir skrifar 9. september 2019 11:45 Sumarbústaðurinn í Heyholtslandi í Borgarfirði þar sem amfetamínsframleiðslan fór fram. Þess er krafist að fjöldi tækja og tóla til fíkniefnaframleiðslu verði gerður upptækur í tengslum við umfangsmikið fíkniefnamál sem þingfest verður í Héraðsdómi Reykjavíkur á morgun. Alls eru sex ákærðir í málinu, þar á meðal þeir Alvar Óskarsson og Einar Jökull Einarsson, sem hlutu þunga dóm í Pólstjörnumálinu svokallaða fyrir stórfellt fíkniefnasmygl. Þeir Alvar og Einar eru ákærðir ásamt Margeiri Pétri Jóhannssyni fyrir stórfellt fíkniefnalagabrot þar sem þeir eru sakaðir um að hafa framleitt 8,5 kíló af amfetamíni í sumarhúsi í grennd við Borgarnes. Þá eru þremenningarnir einnig ákærðir, ásamt þremur öðrum, fyrir kannabisræktun í útihúsi við sveitabæ skammt frá Hellu.Gaskútar, gróðurhúsalampar og þurrkgrindur Í ákærunni, sem Vísir hefur undir höndum, eru þau tæki og tól sem lögreglan hefur lagt hald á við rannsókn málsins listuð upp. Krafist er upptöku á þeim sem og upptöku á Toyotu Corollu og fjármuna að upphæð um 1,8 milljónir króna. Annars vegar er um að ræða tæki og tóli sem haldlögð voru í tengslum við kannabisræktunina og hins vegar tæki og tól til amfetamínframleiðslu. Krefst lögreglan þannig upptöku á sex gaskútum, 36 gróðurhúsalömpum, 39 viftum, sjö vatnshitablásurum, gasofni, kolasíu, tveimur gróðurtölvum og 55 straumbreytum sem hald var lagt á vegna kannabisræktunarinnar. Einnig er krafist á upptöku á fjórum rafmagnstöflum, 60 ljósaperum, fjórum hitamælum, átta þurrkgrindum og skilvindu, fimm rafmagnssnúrum, fimm viftum, fimmtán kolasíum, fjórum hitablásurum, þrýstijafnara, 32 gróðurhúsalömpum, annars vatnshitablásara og fjögurra þurrkgrinda til viðbótar.Héraðssaksóknari sækir málið fyrir hönd ákæruvaldsins.vísir/vilhelmSleikjur, sprautunálar og sveppaeyðir Hvað varðar amfetamínframleiðsluna er þess krafist að gera upptæka skál, glerskál, tvö laser mælitæki, hræru úr Kitchenaid-hrærivél, tvær glermælikönnur, skóflu, plastskál, fimm rannsóknarmæliglös, ausu, þrjár sleikjur, tvö glerglás, eina skál til og fjóra glerpinna. Þá er þess jafnframt krafist að gera upptækan ethanol brúsa, aseton brúsa, rauða trekt, sveppaeyði og rúllu af lofttæmingapokum, tvær vogir, kaffipoka, innpökkunarvél, kaffipokapakka, sjö 50 millilítra sprautur, tvær sex millilítra sprautur, eina tíu millilítra sprautur, fimm sprautunálar og þrjá dropateljara. Ekki er allt upptalið enn því að auki vill ákæruvaldið gera upptækan poka af plastskeiðum, tvo PH sýrustigs mælistrimla, vog, fjórar rúllur af plastpokum, sextán rúllur af loftþéttum pokum, tvær sellofanrúllur, fjóra kassa af smellulásapokum, öryggisgleraugum og einnota hönskum ásamt tveimur svörtum ruslapokum og öllu sem í þeim var.Rannsaka meint peningaþvætti í tengslum við máliðRÚV greindi frá því fyrr í mánuðinum að lögreglan rannsaki nú meint peningaþvætti í tengslum við fíkniefnaframleiðsluna í Borgarfirði og í nágrenni Hellu. Þá kom jafnframt fram að fé og eignir fyrir tugi milljóna hefðu verið kyrrsett eða haldlögð. Sagði Karl Steinar Valsson, yfirlögregluþjónn, að skýra þyrfti „ansi mikla peningagjörninga“ sem ættu sér stað innan þess hóps sem væri ákærður og aðeins utan hans líka. „Þannig að mér reiknast svona til í fljótu bragði að við séum með ýmis verðmæti, húseignir, bíla, ýmsa fjármuni, lausafé og fleira, svona eitthvað, það er nú farið að slá upp í 100 milljónir held ég, sem eru með mismunandi þvingunarþætti á sér, eftir því hvers eðlis hlutirnir eru,“ sagði Karl Steinar við fréttastofu RÚV. Þá sagði Karl Steinar að rannsóknin á peningaþvættinu væri langt komin. Grunur léki á að fé hefði verið þvættað í gegnum atvinnurekstur en hann gat ekki tjáð sig frekar um þann hluta rannsóknarinnar. Amfetamínframleiðsla í Borgarfirði Borgarbyggð Dómsmál Lögreglumál Pólstjörnumálið Tengdar fréttir Sakaðir um að framleiða átta og hálft kíló af amfetamíni í sumarbústað í Borgarfirði Einnig grunaðir um að rækta 200 kannabisplöntur í útihúsi við bæ á Suðurlandi. 31. ágúst 2019 20:11 Mest lesið Trump segir Hamas og Ísraela hafa náð samkomulagi Erlent „Ég ætla ekki að jarða hann, ég ætla að hafa hann á lífi“ Innlent Skýr afstaða landsmanna um hvort einkunnir eigi að vera í tölum eða bókstöfum Innlent Segir lægri álagningu á húsnæði en í öðrum greinum Viðskipti innlent Von um frið en uggur um efndir Erlent „Auðvitað er ég hrædd um hana“ Innlent Varnargarðar hækkaðir við Grindavík Innlent Kenna Evrópu- og Bandaríkjamönnum um litlar líkur á friði Erlent Handtekinn fyrir að kveikja skæðasta eld Los Angeles Erlent Ástæða til að hafa áhyggjur af vanfjármögnun spítalans Innlent Fleiri fréttir „Ég held að það sé sterk friðarvon núna“ Ástæða til að hafa áhyggjur af vanfjármögnun spítalans Meirihluti hlynntur þátttöku ef Ísrael er ekki með Varnargarðar hækkaðir við Grindavík Skýr afstaða landsmanna um hvort einkunnir eigi að vera í tölum eða bókstöfum „Auðvitað er ég hrædd um hana“ Ford vörubíll árgerð 1930 gefinn Byggðasafni Árnesinga „Ég ætla ekki að jarða hann, ég ætla að hafa hann á lífi“ Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Hafa rætt við ísraelsk stjórnvöld og sett fram kröfur vegna Margrétar Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Sjá meira
Þess er krafist að fjöldi tækja og tóla til fíkniefnaframleiðslu verði gerður upptækur í tengslum við umfangsmikið fíkniefnamál sem þingfest verður í Héraðsdómi Reykjavíkur á morgun. Alls eru sex ákærðir í málinu, þar á meðal þeir Alvar Óskarsson og Einar Jökull Einarsson, sem hlutu þunga dóm í Pólstjörnumálinu svokallaða fyrir stórfellt fíkniefnasmygl. Þeir Alvar og Einar eru ákærðir ásamt Margeiri Pétri Jóhannssyni fyrir stórfellt fíkniefnalagabrot þar sem þeir eru sakaðir um að hafa framleitt 8,5 kíló af amfetamíni í sumarhúsi í grennd við Borgarnes. Þá eru þremenningarnir einnig ákærðir, ásamt þremur öðrum, fyrir kannabisræktun í útihúsi við sveitabæ skammt frá Hellu.Gaskútar, gróðurhúsalampar og þurrkgrindur Í ákærunni, sem Vísir hefur undir höndum, eru þau tæki og tól sem lögreglan hefur lagt hald á við rannsókn málsins listuð upp. Krafist er upptöku á þeim sem og upptöku á Toyotu Corollu og fjármuna að upphæð um 1,8 milljónir króna. Annars vegar er um að ræða tæki og tóli sem haldlögð voru í tengslum við kannabisræktunina og hins vegar tæki og tól til amfetamínframleiðslu. Krefst lögreglan þannig upptöku á sex gaskútum, 36 gróðurhúsalömpum, 39 viftum, sjö vatnshitablásurum, gasofni, kolasíu, tveimur gróðurtölvum og 55 straumbreytum sem hald var lagt á vegna kannabisræktunarinnar. Einnig er krafist á upptöku á fjórum rafmagnstöflum, 60 ljósaperum, fjórum hitamælum, átta þurrkgrindum og skilvindu, fimm rafmagnssnúrum, fimm viftum, fimmtán kolasíum, fjórum hitablásurum, þrýstijafnara, 32 gróðurhúsalömpum, annars vatnshitablásara og fjögurra þurrkgrinda til viðbótar.Héraðssaksóknari sækir málið fyrir hönd ákæruvaldsins.vísir/vilhelmSleikjur, sprautunálar og sveppaeyðir Hvað varðar amfetamínframleiðsluna er þess krafist að gera upptæka skál, glerskál, tvö laser mælitæki, hræru úr Kitchenaid-hrærivél, tvær glermælikönnur, skóflu, plastskál, fimm rannsóknarmæliglös, ausu, þrjár sleikjur, tvö glerglás, eina skál til og fjóra glerpinna. Þá er þess jafnframt krafist að gera upptækan ethanol brúsa, aseton brúsa, rauða trekt, sveppaeyði og rúllu af lofttæmingapokum, tvær vogir, kaffipoka, innpökkunarvél, kaffipokapakka, sjö 50 millilítra sprautur, tvær sex millilítra sprautur, eina tíu millilítra sprautur, fimm sprautunálar og þrjá dropateljara. Ekki er allt upptalið enn því að auki vill ákæruvaldið gera upptækan poka af plastskeiðum, tvo PH sýrustigs mælistrimla, vog, fjórar rúllur af plastpokum, sextán rúllur af loftþéttum pokum, tvær sellofanrúllur, fjóra kassa af smellulásapokum, öryggisgleraugum og einnota hönskum ásamt tveimur svörtum ruslapokum og öllu sem í þeim var.Rannsaka meint peningaþvætti í tengslum við máliðRÚV greindi frá því fyrr í mánuðinum að lögreglan rannsaki nú meint peningaþvætti í tengslum við fíkniefnaframleiðsluna í Borgarfirði og í nágrenni Hellu. Þá kom jafnframt fram að fé og eignir fyrir tugi milljóna hefðu verið kyrrsett eða haldlögð. Sagði Karl Steinar Valsson, yfirlögregluþjónn, að skýra þyrfti „ansi mikla peningagjörninga“ sem ættu sér stað innan þess hóps sem væri ákærður og aðeins utan hans líka. „Þannig að mér reiknast svona til í fljótu bragði að við séum með ýmis verðmæti, húseignir, bíla, ýmsa fjármuni, lausafé og fleira, svona eitthvað, það er nú farið að slá upp í 100 milljónir held ég, sem eru með mismunandi þvingunarþætti á sér, eftir því hvers eðlis hlutirnir eru,“ sagði Karl Steinar við fréttastofu RÚV. Þá sagði Karl Steinar að rannsóknin á peningaþvættinu væri langt komin. Grunur léki á að fé hefði verið þvættað í gegnum atvinnurekstur en hann gat ekki tjáð sig frekar um þann hluta rannsóknarinnar.
Amfetamínframleiðsla í Borgarfirði Borgarbyggð Dómsmál Lögreglumál Pólstjörnumálið Tengdar fréttir Sakaðir um að framleiða átta og hálft kíló af amfetamíni í sumarbústað í Borgarfirði Einnig grunaðir um að rækta 200 kannabisplöntur í útihúsi við bæ á Suðurlandi. 31. ágúst 2019 20:11 Mest lesið Trump segir Hamas og Ísraela hafa náð samkomulagi Erlent „Ég ætla ekki að jarða hann, ég ætla að hafa hann á lífi“ Innlent Skýr afstaða landsmanna um hvort einkunnir eigi að vera í tölum eða bókstöfum Innlent Segir lægri álagningu á húsnæði en í öðrum greinum Viðskipti innlent Von um frið en uggur um efndir Erlent „Auðvitað er ég hrædd um hana“ Innlent Varnargarðar hækkaðir við Grindavík Innlent Kenna Evrópu- og Bandaríkjamönnum um litlar líkur á friði Erlent Handtekinn fyrir að kveikja skæðasta eld Los Angeles Erlent Ástæða til að hafa áhyggjur af vanfjármögnun spítalans Innlent Fleiri fréttir „Ég held að það sé sterk friðarvon núna“ Ástæða til að hafa áhyggjur af vanfjármögnun spítalans Meirihluti hlynntur þátttöku ef Ísrael er ekki með Varnargarðar hækkaðir við Grindavík Skýr afstaða landsmanna um hvort einkunnir eigi að vera í tölum eða bókstöfum „Auðvitað er ég hrædd um hana“ Ford vörubíll árgerð 1930 gefinn Byggðasafni Árnesinga „Ég ætla ekki að jarða hann, ég ætla að hafa hann á lífi“ Mamma Möggu Stínu gerir upp erfiðan dag Útlendingastofnun: Ekkert bendi til ómannúðlegrar meðferðar í Króatíu Hitnar undir feldi Lilju Játaði að hafa stolið tugum milljóna úr dánarbúi móður sinnar Játaði áralangt kynferðisofbeldi gegn stjúpdóttur sinni Bein útsending: Mótmæla handtöku Möggu Stínu Fékk aðsvif og missti bílinn yfir á annan vegarhelming Hefur áhyggjur af unga fólkinu Ungir Sjálfstæðismenn vilja stöðva hælisveitingar Sér fram á margar klukkustundir í fullkominni óvissu Takmörk á því hversu langt Ísraelar geti farið til að verja hafnbann Keyrt á vegfaranda í Skeifunni Óheppileg „læk“ Reykjavíkurborgar: „Okkur þykir þetta miður“ Hafa rætt við ísraelsk stjórnvöld og sett fram kröfur vegna Margrétar Björk styður æskuvinkonu sína sem sætir svívirðingum „Minnir á saltveðrið mikla“ Magga Stína tekin höndum og gular viðvaranir í kortunum Stúlkan komin í leitirnar Bændum verulega brugðið vegna breytinga á búvörulögum Ákærður fyrir stunguárás á Seltjarnarnesi Magga Stína handtekin í nótt af Ísraelsher Átján sagt upp í Seljahlíð Sjá meira
Sakaðir um að framleiða átta og hálft kíló af amfetamíni í sumarbústað í Borgarfirði Einnig grunaðir um að rækta 200 kannabisplöntur í útihúsi við bæ á Suðurlandi. 31. ágúst 2019 20:11