Endurkoma hjá Arsenal í fjörugum Lundúnarslag

Anton Ingi Leifsson skrifar
Aubameyang, framherji Arsenal.
Aubameyang, framherji Arsenal. vísir/getty
Arsenal og Tottenham gerðu 2-2 jafntefli í fjörugum Lundúnarslag er liðin mættust á Emirates leikvanginum í dag. Tottenaham komst í 2-0 en Arsenal kom til baka og náði í stig.

Tottenham komst yfir á tíundu mínútu. Son Heung-min kom boltanum á Erik Lamela sem lét vaða. Bernd Leno varði boltann beint fyrir fætur Danans, Christian Eriksen, sem skoraði.

Sex mínútum fyrir hlé var staðan orðinn 2-0. Granit Xhaka braut þá klaufalega af sér er hann tæklaði Son Heung-min. Harry Kane steig á punktinn skoraði af öryggi.





Gestirnir frá Tottenham komnir í 2-0 en Arsenal náði að minnka muninn fyrir hlé. Alexandre Lacazette skoraði í uppbótartíma eftir sendingu Nicolas Pepe og 2-1 í hálfleik.

Endurkoma heimamanna var fullkomnuð á 71. mínútu. Matteo Guendouzi gaf þá góða fyrirgjöf fyrir markið þar sem Pierre-Emerick Aubameyang náði að stinga fæti í boltann og jafna meitn.

Arsenal virtist vera komast yfir ellefu mínútum fyrir leikslok er Sead Kolasinac kom boltanum í netið. Eftir skoðun í VARsjánni var markið dæmt af vegna rangstöðu.

Ekki urðu mörkin fleiri og lokatölur 2-2 í fjörugum norður-Lundúnarslag. Arsenal er með sjö stig eftir fyrstu fjóra leikina en Tottenham er með fimm.





Bein lýsing

Leikirnir






    Fleiri fréttir

    Sjá meira