Innlent

Um tvö hundruð viðburðir á Menningarnótt

Elísabet Inga Sigurðardóttir skrifar
Menningarnótt verður haldin hátíðlega næsta laugardag.
Menningarnótt verður haldin hátíðlega næsta laugardag. aðsend
Um tvö hundruð viðburðir fara fram á Menningarnótt á morgun. Frítt verður í strætó á öllu höfuðborgarsvæðinu og verður miðborginni lokað frá Snorrabraut og Hringbraut.

Menningarnótt fer fram í Reykjavík á morgun. Dagurinn hefst á Reykjavíkurmaraþoni Íslandsbanka klukkan rúmlega átta. Dagskrá verður formlega sett klukkan 13 við Hagatorg og eru yfir 200 viðburðir í gangi yfir daginn sem endar á flugeldasýningu á Arnarhóli klukkan 23.

Meðal annars er HIP HOP hátíð á Miðbakkanum, stórtónleikar Bylgjunnar í Hljómskálagarði og brauðtertusamkeppni í Listasafni Reykjavíkur. Þá opna nokkrir íbúar Reykjavíkur heimili sín og bjóða í vöfflukaffi.

Þá eru garð- og götutónleikar víða um borgina, t.a.m. við Frakkastíg, við R6013 í Ingólfsstræti, í porti Priksins og hjá plötuversluninni 12 tónum. Ofarlega á Frakkastíg verður ferðagalleríi sem nefnist Vatnshelda galleríið komið fyrir, en í því verða framdir gjörningar á meðan rigningarvél vökvar galleríið. Athygli vekur þó að galleríið er í raun ekki vatnshelt.

„Svo er skemmtileg listasýning sem heitir Troðningur þar sem að fjörutíu listamenn sýna i fjörutíu fermetrum og svo erum við á skrifstofunni mjög spennt fyrir brauðtertukeppninni þar sem þrjátíu aðilar keppa i bestu og fallegustu brauðtertunni,“ Sagði Guðmundur Birgir Halldórsson, verkefnastjóri viðburða hjá Reykjavíkurborg.

Götulokanir eru með svipuðu sniði og í fyrra þar sem miðborginni verður lokað frá Snorrabraut og Hringbraut.

„Þetta er gert til að auka öryggi svo að sjúkrabílar og slökkviliðsbílar eiga greiðari aðgang og þetta gerir allt mun auðveldara en við bjóðum upp á strætóskutlur þannig ef þú leggur í Borgartúni eða Laugardal þá er þér skutlað upp að Hallgrímskirkju í staðinn,“ sagði Guðmundur.

Auk þess verður frítt í strætó á öllu höfuðborgarsvæðinu.

„Vegna framkvæmda þá eftir að Menningarnótt lýkur eftir flugeldasýninguna þá fara strætóar frá Sæbraut við Höfða þannig að fólk þarf að labba niður á Sæbraut ef það ætlar að taka strætó heim en svo vil ég að fólk verði í góðu skapi og skemmti sér og njóti hátíðarinnar,“ sagði Guðmundur.

 
 
 
View this post on Instagram
~ Troðningur á Ránargötu 3A 14:00-20:00 á Menningarnótt. 44 listamenn sýna í 8 fermetrum. ~ Tónlistaruppákomur yfir allan daginn og ilmandi vöfflur á meðan birgðir endast. ~ Eftirtaldir listamenn sýna: Aldís Yngvadóttir, Andri Björgvinsson, Anna Kolfinna Kuran, Anna Margrét Ólafsdóttir, Ásta Fanney Sigurðardóttir, Bára Bjarnadóttir, Bernharð Þórsson, Búi Bjarmar Aðalsteinsson, Elín Signý W. Ragnarsdóttir, Elísabet Anna Kristjánsdóttir, Elísabet Birta Sveinsdóttir, Geirþrúður Einarsdóttir, Gígja Jónsdóttir, Guðrún Tara Sveinsdóttir, Helga Páley, Hildur Ása Henrýsdóttir, Íris Indriðadóttir, Jóhann Ingi Skúlason, Kristín Helga Ríkharðsdóttir, Logi Leó Gunnarsson, Loji Höskuldsson, Nína Kristín Guðmundsdóttir, Ólöf Bóadóttir, Ólöf Rún Benediksdóttir, Óskar Þór Ámundason, Perla Gísladóttir, Poddi Poddsen, Ricardo Othoniel Muniz Gutierrez, Rúna Thors, Rúnar Örn Marinósson, Salka Rósinkranz, Signý Jónsdóttir, Sigrún Gyða Sveinsdóttir, Sigurður Ámundason, Silfrún Una Guðlaugsdóttir, Sindri Leifsson, Snorri Hertervig, Sólbjört Vera Ómarsdóttir, Sveinn Steinar Benediktsson, Tara Njála Ingvarsdóttir, Tóta Kolbeinsdóttir, Una Björg Magnúsdóttir, Yngvi Örn Guðmundsson. ~ Tónlistardagskrá verður kynnt á næstu dögum. ~ Allir hjartanlega velkomnir, Gígja og Signý ~ https://www.facebook.com/events/1340389846130088/

A post shared by signý jónsdóttir, (@signyjons) on Aug 19, 2019 at 5:50am PDT


Tengdar fréttir

Svartur valkvíði Hulla

Áttunda starfsár Svartra sunnudaga hefst í Bíó Paradís í haust. Þessu úthaldi verður fagnað á Menningarnótt með sýningu og sölu á hátt í 200 bíóplakötum þar sem fjöldi íslenskra listamanna hefur tekið sígildar bíómyndir sínum eigin tökum.

Heldur tónleika á svölum

Rauðagerðisbrekkan 2019 er nýr viðburður á Menningarnótt. Milli klukkan 15 og 18 koma fram fimm hljómsveitir á svölum Rauðagerðis 16, áheyrendur sitja í brekkunni.

Sýning um sögu Skólavörðuholtsins

Fjórir listamenn sýna ný verk í Ás­mund­ar­sal. Sérstakt blað, átta síðna, kemur út á Menningarnótt með efni um sögu Skólavörðuholtsins og hússins.

Götu­lokanir á Menningar­nótt

Búið er að birta götuskipulag fyrir Menningarnótt þar sem hægt er að sjá hvaða götur veða lokaðar.




Fleiri fréttir

Sjá meira


×