Erlent

Sautján ára stúlka lést úr of stórum skammti á tónlistarhátíð

Sylvía Hall skrifar
Frá tónlistarhátíðinni í Leeds.
Frá tónlistarhátíðinni í Leeds. Vísir/Getty

Lögreglan á tónlistarhátíð í Leeds hefur varað við þremur töflum sem eru í umferð á svæðinu eftir að sautján ára stúlka lést úr of stórum skammti. Töflurnar sem um ræðir innihalda þrefaldan hámarksskammt og eru kallaðar Donkey Kong, Trump og Skype. 

Stúlkan lést á tónleikasvæðinu aðfaranótt laugardags og hefur sautján ára drengur verið handtekinn, grunaður um dreifingu efnanna. Skipuleggjendur hátíðarinnar harma atvikið og segja það vera ekkert annað en harmleik. 

Nákvæm dánarorsök liggur ekki fyrir en að sögn lögreglu lítur út fyrir að stúlkan hafi tekið „blöndu ýmissa lyfja“ sem hafi orðið til þess að hún missti meðvitund og lést. Lögreglan á svæðinu hefur því vakið athygli á málinu og minnt tónleikagesti á að það sé „engin örugg leið til þess að neyta ólöglegra lyfja og engin ólögleg lyf séu örugg“. 




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.