Sport

Eygló Ósk á HM í sundi í nótt: „Þetta hefði alveg mátt vera hraðara“

Óskar Ófeigur Jónsson skrifar
Eygló Ósk Gústafsdóttir á ferðinni í sundinu í nótt.
Eygló Ósk Gústafsdóttir á ferðinni í sundinu í nótt. Mynd/SSÍ/Simone Castrovillari
Íslenska sundkonan Eygló Ósk Gústafsdóttir lauk keppni í nótt á heimsmeistaramótinu í 50 metra lauk í Gwangju í Suður-Kóreu.



Eygló Ósk Gústafsdóttir synti þá 50 metra baksund á 29,82 sekúndum sem er um hálfri sekúndu hægara en hún synti á Smáþjóðaleikunum í maí.



Fyrir á Eygló best í greininni sund upp á 28,61 sekúndur frá því árið 2014 en hefur undanfarin ár verið að glíma við meiðsli í baki sem hafa haldið aftur af henni.



Þetta nægði Eygló Ósk ekki til að komast áfram í milliriðla. Hún endaði í 29. sæti í undanriðlinum en sú síðasta inn í milliriðla synti á 28,29 sekúndum.



Eygló átti gott start í morgun og náði ágætum takti í sundinu, en eins og hún sagði sjálf við fréttaritara Sundsambands Íslands eftir sundið: „Þetta hefði alveg mátt vera hraðara".



Aðspurð um áætlanir sínar svaraði hún því glaðbeitt að hún væri staðráðin í að komast á ÓL í Tókýó eftir ár, nú lægi fyrir að þétta teymið í kringum hana fá inn styrktarþjálfara til starfa og einbeita sér að því verkefni.



Eygló segist enn þá finna fyrir meiðslunum í bakinu en þau væru orðin viðráðanleg. Hún væri með sjúkraþjálfara sem hefði gert kraftaverk.



Eftir stutt frí í ágúst með vinum og fjölskyldu hefst lokaundirbúningurinn fyrir ÓL 2020.

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.