Ís­lenskir barna­bóka­höfundar for­dæma brott­vísanir á flótta­börnum

Þrjátíu íslenskir barna- og ungmennabókahöfundar fordæma brottvísanir íslenskra stjórnvalda á börnum á flótta og fjölskyldum þeirra. Þetta kemur í fram í tilkynningu frá SÍUNG - samtökum barna- og unglingabókahöfunda. Meðal þeirra sem skrifa undir yfirlýsinguna eru Gunnar Helgason, Birgitta Haukdal, Sigrún Eldjárn og Þorgrímur Þráinsson.

Höfundarnir segja það ekki forsvaranlegt að senda börn á flótta til Grikklands, þar sem aðstæður í hæliskerfinu hafa verið metnar ófullnægjandi. Vísa þeir einnig í skyldur íslenskra stjórnvalda gagnvart Barnasáttmála Sameinuðu þjóðanna sem hefur verið lögfestur hér á landi. Felur hann meðal annars í sér að stjórnvöldum beri ávallt að hafa hagsmuni barna í forgangi.

„Við teljum það algjörlega óviðunandi að 75 börnum hafi verið synjað um vernd á Íslandi það sem af er árinu og hvetjum stjórnvöld til að virða Barnasáttmálann og hafa hagsmuni barna ávallt að leiðarljósi við alla ákvarðanatöku,“ segir í tilkynningunni.

Eftirfarandi höfundar skrifa undir yfirlýsinguna:

Arndís Þórarinsdóttir

Benný Sif Ísleifsdóttir

Bergrún Íris Sævarsdóttir

Birgitta Elín Hassel

Birgitta Haukdal

Bryndís Björgvinsdóttir

Brynhildur Þórarinsdóttir

Davíð Hörgdal Stefánsson

Elísa Jóhannsdóttir

Gunnar Helgason

Hildur Knútsdóttir

Hilmar Örn Óskarsson

Hjalti Halldórsson

Ingibjörg Valsdóttir

Jenný Kolsöe

Jóna Valborg Árnadóttir

Kattrín Ósk Jóhannsdóttir

Kristín Helga Gunnarsdóttir

Kristín Ragna Gunnarsdóttir

Linda Ólafsdóttir

Margrét Tryggvadóttir

Ragnheiður Eyjólfsdóttir

Ragnheiður Gestsdóttir

Ragnhildur Hólmgeirsdóttir

Sif Sigmarsdóttir

Sigrún Eldjárn

Vala Þórsdóttir

Þórdís Gísladóttir

Þorgrímur Þráinsson

Ævar Þór Benediktsson