Táraflóð eftir töfrum líkastan flutning á Imagine

Óhætt er að segja að Svíinn Chris Kläfford hafi heillað áhorfendur America‘s Got Talent upp úr skónum, með ábreiðu af laginu Imagine eftir John Lennon.

Flutningurinn féll bersýnilega í kramið hjá áhorfendum jafnt og dómurum þáttanna, en Chris fékk standandi lófatak frá öllum viðstöddum.

Þá mátti sjá tár á hvarmi hjá þó nokkrum áhorfendum auk þess sem sumir dómaranna virtust hreinlega við það að bresta í grát.

Fallegur flutningur og frábært myndband sem sjá má hér að neðan.