Íslenski boltinn

Pétur: Stefnan hjá landsliðinu að vera á toppnum

Jón Ágúst Eyjólfsson skrifar
Pétur sagðist hafa lagt leikinn í kvöld öðruvísi upp en fyrri leiki gegn Þór/KA.
Pétur sagðist hafa lagt leikinn í kvöld öðruvísi upp en fyrri leiki gegn Þór/KA. vísir/bára

„Mér fannst bara landsliðið mæta hér til leiks af fullum krafti, nei fyrirgefðu Valsliðið, og spila þennan leik bara mjög vel á móti sterku liði Þórs/KA,“ sagði Pétur Pétursson, þjálfari Vals léttur í bragði í eftir sigurinn á Þórsvelli í kvöld, 0-3.

„Við settum kannski leikinn svolítið öðruvísi upp heldur en við höfum gert áður á móti Þór/KA. Við spiluðum kannski svolítið þeirra leik í dag,“ sagði Pétur.

„Það er langt síðan Valur hefur unnið hérna. Við töpuðum hérna í fyrra og aftur um daginn í bikarnum og mér fannst við spila góða fótboltaleiki en í dag þá spiluðum við kannski svolítið öðruvísi kerfi. Spiluðum meira upp á veikleikana hjá Þór/KA sem speglaðist í því að þær fengu svona meira að hafa boltann.“

Með sigrinum í kvöld fóru Valskonur einar á toppinn, a.m.k. tímabundið. Pétur segist vona að hans lið verði áfram þar út sumarið.

„Það er stefnan allavega hjá landsliðinu að vera á toppnum þannig að ég vona að það verði áfram,“ sagði Pétur að kíminn að lokum.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.