Orrustuþotur skullu saman í háloftunum

Andri Eysteinsson skrifar 24. júní 2019 14:34

Samskonar vélar og lentu í árekstri í háloftunum. Getty/MorrisMacMatzen

Tvær þýskar Eurofighter-orrustuþotur brotlentu í dag yfir norðausturhluta Þýskalands eftir að hafa skollið saman í loftinu. Sky greinir frá.

Þýski flugherinn staðfestir þetta og segir að báðir flugmennirnir hafi komist úr vélunum með notkun slöngvisæta áður en að áreksturinn varð.

Flugmennirnir tveir voru ásamt þeim þriðja í verkefni á vegum hersins nærri Muritz-vatni um 100 kílómetra norður af Berlín. Staðurinn er nærri herstöðinni Laage í Mecklenburg-Vorpommen.

Lögregla segir að annar flugmannanna hafi fundist ráfandi um skóglendi en leit stendur enn yfir af hinum flugmanninum.

Reports that two Eurofighter jets touched each other and crashed in Northern Germany. Apparently the pilots ejected safely, but wildfires have erupted at the crash sites.
pic.twitter.com/mttc8gHZMT
— Ragnar Weilandt (@RagnarWeilandt) June 24, 2019

Fréttir af flugi Þýskaland

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.