Sjáðu hið stórkostlega mark Zvizej sem var valið mark ársins í Danmörku

Slóveninn Miha Zvizej, sem spilar með Íslendingaliði Ribe-Esbjerg, skoraði mark ársins í danska handboltanum og það ekki af ástæðulausu.

Afar frumlegur snúlli af línunni hjá Slóvenanum skeggjaða. Hann lét samt eins og hann gerði þetta á hverjum degi. Þetta mark hans fékk rúmlega 40 prósent atkvæðu í kosningu á netinu.

Mark ársins í kvennadeildinni skoraði hin hollenska Dione Housheer en hún spilar með Nyköbing. Fallegt skot í skrefinu. Það mark fékk 30 prósent atkvæða.