Lífið

Stefánar landsins sverja af sér umhverfisspjöll

Margrét Helga Erlingsdóttir skrifar
Stefán Pálsson, Stefán Hilmarsson, Stefán Jón Hafstein og Stefán Bogi Sveinsson eru á meðal þeirra Stefána sem leggja nafn sitt við ályktunina.
Stefán Pálsson, Stefán Hilmarsson, Stefán Jón Hafstein og Stefán Bogi Sveinsson eru á meðal þeirra Stefána sem leggja nafn sitt við ályktunina. Facebook

Samfélag Stefána á Íslandi fann sig knúið til að senda frá sér ályktun vegna umhverfisspjalla sem unnin voru í móbergsklöpp í Helgafelli. Ástæðan er sú að einhver óprúttinn aðili krafsaði gælunafnið „Stebbi“ í klöppina.

Tannlæknirinn María Elíasdóttir birti myndir af umhverfisspjöllunum í fyrradag en á myndunum mátti sá að óprúttnir aðilar höfðu gert sér að leik að krafsa nöfn og útlínur getnaðarlima í móbergsklöppina. Þá mátti einnig sjá nöfnin Badda, Geira, Stebba, Daða og Ara.

Sjá nánar: Íhuga að kæra náttúruspjöll á Helgafelli til lögreglu

Myndir á vettvangi skemmdarverkanna hafa vakið óhug í Facebook-hópi Stefána sem telur á fjórða hundrað meðlima. Þeir segjast kappkosta að sýna náttúrunni virðingu í öllum sínum háttum og aðgerðum.

„Sorglegt er að sjá að óvitar þeir sem hér voru að verki hafi rist hið annars ágæta gælunafn „Stebbi“ í viðkvæman svörðinn.

Stefánar vilja þá hvetja landsmenn til að henda ekki rusli á víðavangi.

„Og fara varlega með eld, einkum í þeirri þurrkatíð sem nú ríkir suðvestanlands.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.