Erlent

Flokksfélagi Angelu Merkel fannst myrtur á heimili sínu

Hallgerður Kolbrún E. Jónsdóttir skrifar
Þýska lögreglan á vettvangi glæps. Myndin tengist fréttinni ekki beint.
Þýska lögreglan á vettvangi glæps. Myndin tengist fréttinni ekki beint. getty/Johannes Simon

Stjórnmálamaður frá þýsku borginni Kassel fannst dáinn af völdum byssuskots í höfuðið, sagði lögregla svæðisins í tilkynningu á mánudag og bætti við að morðvopnið hafi ekki fundist á vettvangi. Frá þessu er greint á vef fréttastofu The Guardian.

„Við erum að leita að gerandanum,“ sagði Horst Streiff, saksóknari, eftir að andlát Walter Lübcke, forseti borgarstjórnar Kassel, sem var aðeins 65 ára að aldri.

Streiff sagði engar vísbendingar benda til þess að um sé að ræða sjálfsvíg.

Lübcke, sem var flokksmaður CDU flokksins, mið-hægriflokks Angelu Merkel, kanslara Þýskalands, fannst rétt eftir miðnætti á staðartíma á sunnudag fyrir utan heimili sitt í Wolfhagen, nálægt Kassel. Wolfhagen er í fylkinu Hesse sem liggur í miðju Þýskalandi. Hann hafði verið skotinn í höfuðið af stuttu færi með skammbyssu samkvæmt lögreglu.

CDU flokkurinn sagði í tilkynningu að Lübcke, sem var kvæntur tveggja barna faðir, hafi „aldrei verið hræddur við að segja það sem honum kom til hugar.“

Þýska glanstímaritið Bild greindi frá því að árið 2015, þegar mikið magn flóttamanna kom til Þýskalands, hafi Lübcke talað opinberlega fyrir réttindum flóttafólks og hafi með því reitt marga öfgahægri menn til reiði.

Sabine Thurau, lögreglustjóri Hesse fylkis, sagði hins vegar ekkert benda til þess að þær líflátshótanir sem honum hafi borist í tengslum við skoðanir sínar gagnvart flóttafólki tengist andláti hans og að 20 manna rannsóknarteymi væri í leit að mögulegum ástæðum morðsins og að mögulegum gerendum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.