Viðskipti innlent

Stjórnendabreytingar hjá Mentor

Birgir Olgeirsson skrifar
Vilborg Einarsdóttir, stofnandi Mentor, lætur af störfum eftir farsæla uppbyggingu félagsins í næstum 20 ár.
Vilborg Einarsdóttir, stofnandi Mentor, lætur af störfum eftir farsæla uppbyggingu félagsins í næstum 20 ár.

Elfa Svanhildur Hermannsdóttir hefur verið ráðin sem framkvæmdastjóri InfoMentor á Íslandi. Hún tekur við starfinu af Vilborgu Einarsdóttur, stofnanda Mentor, sem lætur af störfum eftir farsæla uppbyggingu félagsins í næstum 20 ár.

Elfa hefur verið forstöðumaður fræðslumiðstöðvar Vestfjarða frá árinu 2017 en starfaði þar áður um árabil sem þjónustustjóri og kennsluráðgjafi hjá Þjónustu-og þekkingarmiðstöð blindra og sjónskertra. Elfa er með mastersgráðu í verkefnastjórnun, framhaldsgráðu í stjórnun menntastofnana og sérkennslufræðum. Í grunninn er hún grunnskólakennari.

Vilborg Einarsdóttir, meðstofnandi Mentor, lætur af störfum hjá félaginu við þessi tímamót. Vilborg hefur leitt uppbyggingu Mentor frá stofnun félagsins árið 2000, nú síðast sem framkvæmdastjóri InfoMentor á Íslandi og framkvæmdastjóri viðskiptaþróunar. Á starfstíma Vilborgar hefur Mentor vaxið ár frá ári og er náms- og upplýsingakerfi Mentor nú notað af skólum og sveitarfélögum af milljónum notenda í fimm löndum.

„Stolt og þakklæti er mér efst í huga við þessi tímamót. Ég er gríðarlega stolt af Mentor og því góða fólki sem ég hef unnið með í gegnum tíðina. Ég er þakklát fyrir þau forréttindi að hafa fengið að taka þátt í að auka árangur í skólastarfi. Nú taka við ný og spennandi verkefni og ég óska nýjum framkvæmdastjóra á Íslandi alls hins besta,“ er haft eftir Vilborgu í tilkynningu.

„Þetta er ákaflega spennandi verkefni sem ég er að fara að takast á við. Mentor er leiðandi fyrirtæki í þróun lausna fyrir íslenska skólasamfélagið. Það er áskorun að fá að taka þátt í að gera góða þjónustu enn betri og halda áfram því góða starfi sem þar er,“ er haft eftir Elfu í tilkynningu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REITIR
2,46
15
375.832
MAREL
1,11
14
298.559
REGINN
0,9
8
133.385
FESTI
0,84
7
200.425
SKEL
0,55
9
89.970

Mesta lækkun dagsins


Félag
Br.%
Fjöldi
Velta*
EIM
-2,3
9
120.376
ICEAIR
-2,17
51
165.212
KVIKA
-1,89
9
75.362
SYN
-1,43
5
20.669
SJOVA
-0,97
6
58.720
Velkomin á Vísi. Þessi vefur notar vafrakökur. Sjá nánar.