Körfubolti

Íslandsmeistararnir þétta raðirnar

Anton Ingi Leifsson skrifar
Darri Freyr og Sylvía handsala samninginn.
Darri Freyr og Sylvía handsala samninginn. mynd/valur

Sylvía Rún Hálfdanardóttir skrifaði í dag undir samning við Íslandsmeistara Vals en hún skrifaði undir tveggja ára samning við liðið.

Sylvía Rún er fædd og uppalin á Þór en hún lék með Þór á Akureyri á síðustu leiktíð. Þar var hún yfirburðarleikmaður með 21 stig að meðaltali, 12 fráköst og 5 stoðsendingu að meðaltali.

„Sylvía Rún er fjölhæfur leikmaður sem mun styrkja liðið frá fyrstu æfingu. Hún getur spilað margar stöður á vellinum og spilar alltaf af fullum krafti. Sylvía mun enn frekar auka samkeppnina innan liðsins og ákefð á æfingum sem eru meðal lykilforsenda árangurs Valsliðsins,“ sagði Darri Freyr Atlason, þjálfari Vals.

„Hún átti stórkostlegt tímabil í fyrstu deildinni hvar tölfræðin talar sínu máli um fjölhæfni Sylvíu. Við munum gera okkar besta til þess að hjálpa henni við að byggja ofan á þessa velgengni og verða mikilvægur hluti Valsliðsins komandi ár.“

Sylvía er sjálf spennt fyrir félagsskiptunum í Val.

„Er mjög spennt fyrir að spreyta mig með Valsliðinu í Dominosdeildinni næstu misserin. Valsliðið er fráberlega mannað og það verður gaman að fá að vera partur af þessu liði. Ég hlakka til að leggja mitt að mörkum fyrir félagið bæði innan sem utan vallarins.“



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.