Lífið

Ellen var misnotuð af stjúpföður sínum

Birgir Olgeirsson skrifar
Móðir hennar trúði henni ekki í fyrstu en fór frá manninum þegar svörin tóku að breytast.
Móðir hennar trúði henni ekki í fyrstu en fór frá manninum þegar svörin tóku að breytast. Vísir/Getty
Spjallþáttastjórnandinn Ellen DeGeneres var misnotuð af stjúpföður sínum þegar hún var táningur að aldri. Hún greindi frá þessu í viðtali við David Letterman í þættinum My Next Guest Needs No Introduction á Netflix.

Ellen segir móður sína, Betty DeGeneres, hafa gifts afar slæmum manni. Ellen lýsir mikilli reiði sem fylgdi því að geta ekki varið sig gagnvart honum þegar hún fimmtán eða sextán ára gömul.

„Eina ástæðan fyrir því að ég vil ræða þetta er til að aðrar stúlkur lendi ekki í því sama,“ segir Ellen.

Hún segir þennan tíma hafa verið erfiðan þegar misnotkunin stóð yfir. Fjarlægja þurfti annað af brjóstum móður hennar eftir að æxli fannst í því en stjúpfaðir Ellenar sagði henni að hann þyrfti að kanna brjóst Ellenar í framhaldi af því.

„Hann sannfærði mig um að hann þyrfti að þreifa á brjóstunum mínum og gerði það nokkrum sinnum,“ segir Ellen.

Hún segir stjúpföður sinn hafa reynt að brjóta herbergishurð hennar og hvernig hún þurfti að flýja út um glugga.

„Ég vildi ekki segja móður minni frá þessu því ég vildi vernda hana. Ég vissi að það myndi eyðileggja samband hennar því hún var mjög hamingjusöm þó hann væri skelfilegur maður. Ég átti aldrei að vernda hana, ég átti að vernda sjálfa mig.“

Hún sagði þó móður sinni frá þessu nokkrum árum síðar en segir móður sína ekki hafa trúað henni.

„Hún var með honum átján ár til viðbótar,“ segir Ellen. Hún segir móður sína hafa spurt manninn sinn út í þetta og ákveðið að fara frá honum því svörin áttu það til að breytast.






Fleiri fréttir

Sjá meira


×