Helena með stórleik í tapi Íslands

Helena Sverrisdóttir átti stórleik fyrir íslenska kvennalandsliðið í körfubolta í dag en liðið þurfti að sætta sig við tap gegn Svartfjallalandi.

Íslenska liðið stóð vel í sterku liði Svartfjallalands en tapaði 73-81 eftir að hafa verið 34-38 undir í hálfleik.

Helena fór á kostum í liði Íslands og var með 34 stig. Næstar komu Gunnhildur Gunnarsdóttir með níu stig og Þóranna Kika Hodge-Carr var með átta.

Lið Svartfjallalands keppir í lokakeppni Eurobasket í sumar.

Næsti leikur Íslands er gegn Lúxemborg á morgun.