Allt trylltist þegar umdeildur Rússi mætti í norræna partýið Kolbeinn Tumi Daðason í Tel Aviv skrifar 13. maí 2019 09:00 Kirkorov sæmdur heiðursorðu af Vladimír Pútín, forseta Rússlands. Kremlin.ru Einn af hápunktum norræna partýsins í gærkvöldi var vafalítið þegar rússneski söngvarinn, lagasmiðurinn og stjarnan Philipp Kirkorov mætti á svæðið. Allt í einu þyrptust ljósmyndarar að Rússanum hárprúða sem naut athyglinnar og baðaði sig í sviðsljósinu klæddur í rándýr Gucci föt. Með honum var söngvari Rússanna, Sergey Lazarev, en Kirkorov er skráður annar höfunda lagsins Scream sem Lazarev flytur. Hver er þessi gaur? hugsaði undirritaður og skildi ekkert í æsingnum. En saga hans er ansi sérstök og þess virði að segja hér þótt ekki sé nema að litlu leyti. Kirkorov er ávallt með fylgdarlið í kringum sig og veltu einhverjir gestir í norræna partýinu í gær fyrir sér hvort ljósmyndararnir sem flykktust að honum við komuna í partýið í gær væru mögulega, einhverjir að minnsta kosti, á hans vegum. Kirkorov er sonur búlgarsks söngvara af armenskum uppruna en móðir hans er af gyðingaættum. Hann er fæddur í Búlgaríu, fæddur 1967 og er því 52 ára. Hann keppti í Eurovision árið 1995 fyrir hönd Rússlands með laginu Lullaby for the volcano.Síðan hefur hann einbeitt sér að því að semja lög, bæði framlag Hvíta-Rússlands árið 2007, Work your Magic, og framlag Úkraínu árið 2008, Shady Lady, sem hafnaði í öðru sæti.Þá var hann í dómnefndinni í búlgarska idolinu árið 2008 þegar eitt eftirminnilegasta og hlægilegasta atriði í sögu keppninnar, um heim allan, varð að veruleika. Þegar söngkona nokkur flutti lag með Mariuh Carey. Söngkonan, Valentina Hasan, kynnti lagið sem „Ken Lee“. Sjón er sögu ríkari en óhætt er að segja að Philipp og félagar í dómnefndinni hafi ekki vitað hvaðan á sig stóð veðrið. Gaman er að bera hárgreiðslu Philipp þá saman við greiðsluna í dag.Blaðakonur fengið að kenna á Kirkorov En Kirkorov er langt í frá að vera herra heilagur, raunar mætti flokka hann sem „bad boy“ enda hefur hann skandalað nokkrum sinnum yfir sig. Versti skandallinn var líkast til í rússnesku borginni Rostov árið 2004. Á blaðamannafundi spurði blaðakona út í ástæður þess að Kirkorov væri svo iðinn að gera ábreiður af bandarískum og evrópskum slögurum. Kirkorov svaraði blaðakonunni að lokum að hann væri þreyttur á bleiku blússunni hennar, brjóstunum á henni og hljóðnemanum. Krafðist hann þess að henni yrði vikið á dyr. Þegar hún yfirgaf salinn gripu lífverðir Kirkorov til sinna ráða, réðust að henni fyrir utan og eyðilögðu upptökugræju hennar. Var Kirkorov síðar dæmdur og sektaður fyrir framkomu sína. Hann hefur lent í fleiri opinberum deilum auk þess sem hann þurfti að segja sig úr rússneskum dómnefndinni í Eurovison árið 2009 þegar í ljós kom að hann hefði setið að snæðingi með keppendum í aðdragandanum. Meðal annars Alexander Rybak sem hrósaði sigri á kostnað Jóhönnu Guðrúnar okkar. Þá hefur Kirkorov komið illa fram við fleiri blaðakonur. Hann tók myndavél einnar með valdi en baðst síðar afsökunar á því. Þá sló hann til annarrar blaðakonu á göngu sinni á tónleikum. Sömuleiðis fékk aðstoðarkona hans löðrung vegna þess að hann var ósáttur við lýsingu á tónleikum. Kirkorov baðaði sig í sviðsljósinu í norræna partýinu á laugardaginn eins og sjá má á Instagram-reikningi hans sem er afar metnaðarfullur og greinilega í umsjón hæfileikaríkra aðstoðarmanna. Eurovision Rússland Mest lesið „Gerum allt fyrir konurnar í okkar lífi“ Tónlist Einn frægasti köttur landsins sló í gegn á dögunum Lífið Besta sætið ekki nógu spennandi fyrir Hugh Grant Lífið Aðeins þrír dagar liðnir og Bergur biður um hjálp Lífið Stefán Karl hefði orðið fimmtugur í dag Lífið Girnileg pizzaloka sem þú verður að prófa! Lífið samstarf Einhver áhætta fylgi öllum atriðum í sirkusnum Lífið „Töluvert álag á líkama sem nálgast sextugt“ Lífið samstarf Markús nýr safnstjóri Listasafns Reykjavíkur Lífið Emúinn í dyragættinni reyndist eiga heima á Drunk Rabbit Lífið Fleiri fréttir Áhrifarík ræða Begga Ólafs: „Hvað myndi Batman gera?“ Besta sætið ekki nógu spennandi fyrir Hugh Grant Einhver áhætta fylgi öllum atriðum í sirkusnum Stefán Karl hefði orðið fimmtugur í dag Markús nýr safnstjóri Listasafns Reykjavíkur Einn frægasti köttur landsins sló í gegn á dögunum Aðeins þrír dagar liðnir og Bergur biður um hjálp Emúinn í dyragættinni reyndist eiga heima á Drunk Rabbit Barbie dúkka með sykursýki týpu eitt Próteinbollur að hætti Gumma kíró Katrín og Þorgerður gáfu syninum nafn Hanna Katrín heiðursgrillari á Kótelettunni „Pabbi minn vakir yfir mér“ Heitustu skvísur landsins fögnuðu íslenskri húðvöru Áslaug Arna kom sér fyrir á innan við viku Skákborðsréttir nýjasta matartískan Tímalausar og fallegar brúðargjafir Þórdís Elva fann ástina í örmum poppstjörnu Eins og ef Laddi hefði hvatt krakka til að reykja krakk eða sígarettur Perry og Bloom saman á snekkju Bezos Vissu fyrir löngu að þau vildu verja ævinni saman Aðalsteinn og Elísabet selja íbúðina Sumarsalat sem lætur bragðlaukana dansa Bjössi og Dísa í carnival stemningu í miðbænum Samdi CIA lag Scorpions, Wind of Change, til að fella Sovétríkin? Stjörnulífið: „Grín sem gekk allt of langt“ „Síðustu tíu árin hafa verið erfið“ „Það segir eitthvað að þetta sé fjórtánda sumarið“ Varð mjög hræddur en fann huggun í húmornum Krakkatían: Tölur, mýs og tónlist Sjá meira
Einn af hápunktum norræna partýsins í gærkvöldi var vafalítið þegar rússneski söngvarinn, lagasmiðurinn og stjarnan Philipp Kirkorov mætti á svæðið. Allt í einu þyrptust ljósmyndarar að Rússanum hárprúða sem naut athyglinnar og baðaði sig í sviðsljósinu klæddur í rándýr Gucci föt. Með honum var söngvari Rússanna, Sergey Lazarev, en Kirkorov er skráður annar höfunda lagsins Scream sem Lazarev flytur. Hver er þessi gaur? hugsaði undirritaður og skildi ekkert í æsingnum. En saga hans er ansi sérstök og þess virði að segja hér þótt ekki sé nema að litlu leyti. Kirkorov er ávallt með fylgdarlið í kringum sig og veltu einhverjir gestir í norræna partýinu í gær fyrir sér hvort ljósmyndararnir sem flykktust að honum við komuna í partýið í gær væru mögulega, einhverjir að minnsta kosti, á hans vegum. Kirkorov er sonur búlgarsks söngvara af armenskum uppruna en móðir hans er af gyðingaættum. Hann er fæddur í Búlgaríu, fæddur 1967 og er því 52 ára. Hann keppti í Eurovision árið 1995 fyrir hönd Rússlands með laginu Lullaby for the volcano.Síðan hefur hann einbeitt sér að því að semja lög, bæði framlag Hvíta-Rússlands árið 2007, Work your Magic, og framlag Úkraínu árið 2008, Shady Lady, sem hafnaði í öðru sæti.Þá var hann í dómnefndinni í búlgarska idolinu árið 2008 þegar eitt eftirminnilegasta og hlægilegasta atriði í sögu keppninnar, um heim allan, varð að veruleika. Þegar söngkona nokkur flutti lag með Mariuh Carey. Söngkonan, Valentina Hasan, kynnti lagið sem „Ken Lee“. Sjón er sögu ríkari en óhætt er að segja að Philipp og félagar í dómnefndinni hafi ekki vitað hvaðan á sig stóð veðrið. Gaman er að bera hárgreiðslu Philipp þá saman við greiðsluna í dag.Blaðakonur fengið að kenna á Kirkorov En Kirkorov er langt í frá að vera herra heilagur, raunar mætti flokka hann sem „bad boy“ enda hefur hann skandalað nokkrum sinnum yfir sig. Versti skandallinn var líkast til í rússnesku borginni Rostov árið 2004. Á blaðamannafundi spurði blaðakona út í ástæður þess að Kirkorov væri svo iðinn að gera ábreiður af bandarískum og evrópskum slögurum. Kirkorov svaraði blaðakonunni að lokum að hann væri þreyttur á bleiku blússunni hennar, brjóstunum á henni og hljóðnemanum. Krafðist hann þess að henni yrði vikið á dyr. Þegar hún yfirgaf salinn gripu lífverðir Kirkorov til sinna ráða, réðust að henni fyrir utan og eyðilögðu upptökugræju hennar. Var Kirkorov síðar dæmdur og sektaður fyrir framkomu sína. Hann hefur lent í fleiri opinberum deilum auk þess sem hann þurfti að segja sig úr rússneskum dómnefndinni í Eurovison árið 2009 þegar í ljós kom að hann hefði setið að snæðingi með keppendum í aðdragandanum. Meðal annars Alexander Rybak sem hrósaði sigri á kostnað Jóhönnu Guðrúnar okkar. Þá hefur Kirkorov komið illa fram við fleiri blaðakonur. Hann tók myndavél einnar með valdi en baðst síðar afsökunar á því. Þá sló hann til annarrar blaðakonu á göngu sinni á tónleikum. Sömuleiðis fékk aðstoðarkona hans löðrung vegna þess að hann var ósáttur við lýsingu á tónleikum. Kirkorov baðaði sig í sviðsljósinu í norræna partýinu á laugardaginn eins og sjá má á Instagram-reikningi hans sem er afar metnaðarfullur og greinilega í umsjón hæfileikaríkra aðstoðarmanna.
Eurovision Rússland Mest lesið „Gerum allt fyrir konurnar í okkar lífi“ Tónlist Einn frægasti köttur landsins sló í gegn á dögunum Lífið Besta sætið ekki nógu spennandi fyrir Hugh Grant Lífið Aðeins þrír dagar liðnir og Bergur biður um hjálp Lífið Stefán Karl hefði orðið fimmtugur í dag Lífið Girnileg pizzaloka sem þú verður að prófa! Lífið samstarf Einhver áhætta fylgi öllum atriðum í sirkusnum Lífið „Töluvert álag á líkama sem nálgast sextugt“ Lífið samstarf Markús nýr safnstjóri Listasafns Reykjavíkur Lífið Emúinn í dyragættinni reyndist eiga heima á Drunk Rabbit Lífið Fleiri fréttir Áhrifarík ræða Begga Ólafs: „Hvað myndi Batman gera?“ Besta sætið ekki nógu spennandi fyrir Hugh Grant Einhver áhætta fylgi öllum atriðum í sirkusnum Stefán Karl hefði orðið fimmtugur í dag Markús nýr safnstjóri Listasafns Reykjavíkur Einn frægasti köttur landsins sló í gegn á dögunum Aðeins þrír dagar liðnir og Bergur biður um hjálp Emúinn í dyragættinni reyndist eiga heima á Drunk Rabbit Barbie dúkka með sykursýki týpu eitt Próteinbollur að hætti Gumma kíró Katrín og Þorgerður gáfu syninum nafn Hanna Katrín heiðursgrillari á Kótelettunni „Pabbi minn vakir yfir mér“ Heitustu skvísur landsins fögnuðu íslenskri húðvöru Áslaug Arna kom sér fyrir á innan við viku Skákborðsréttir nýjasta matartískan Tímalausar og fallegar brúðargjafir Þórdís Elva fann ástina í örmum poppstjörnu Eins og ef Laddi hefði hvatt krakka til að reykja krakk eða sígarettur Perry og Bloom saman á snekkju Bezos Vissu fyrir löngu að þau vildu verja ævinni saman Aðalsteinn og Elísabet selja íbúðina Sumarsalat sem lætur bragðlaukana dansa Bjössi og Dísa í carnival stemningu í miðbænum Samdi CIA lag Scorpions, Wind of Change, til að fella Sovétríkin? Stjörnulífið: „Grín sem gekk allt of langt“ „Síðustu tíu árin hafa verið erfið“ „Það segir eitthvað að þetta sé fjórtánda sumarið“ Varð mjög hræddur en fann huggun í húmornum Krakkatían: Tölur, mýs og tónlist Sjá meira