Viðskipti innlent

Lilja Katrín ráðin ritstjóri DV

Kristín Ólafsdóttir skrifar
Lilja Katrín Gunnarsdóttir, nýráðinn ritstjóri DV.
Lilja Katrín Gunnarsdóttir, nýráðinn ritstjóri DV. Mynd/DV

Lilja Katrín Gunnarsdóttir hefur verið ráðin ritstjóri Frjálsrar fjölmiðlunar ehf., sem m.a. á og rekur DV og dv.is. Lilja er annar tveggja ritstjóra sem ráðnir verða til félagsins. Þetta kemur fram í tilkynningu frá DV en aðalritstjóri DV sagði upp störfum fyrir rúmum mánuði.

Lilja Katrín hefur starfað í fjölmiðlum síðustu fimmtán árin. Hún hóf feril sinn á Fréttablaðinu og hefur meðal annars verið ritstjóri Séð og Heyrt, umsjónarmaður innblaðs Fréttablaðsins og Lífsins á Vísi og vefstjóri Mannlífs.

Þá hefur hún einnig unnið sem dagskrárgerðarkona í Íslandi í dag og starfað sem kynningarstjóri framleiðslufyrirtækisins Sagafilm. Hún er með BA-gráðu í leiklist fyrir sjónvarp og kvikmyndir og hefur leikið í sjónvarpi, talsett auglýsingar, skrifað handrit að gamanþáttum og samið einleik. Lilja mun vinna náið með Guðmundi Ragnari Einarssyni, markaðs- og þróunarstjóra DV, að þróun DV og undirmiðla.

Einar Þór Sigurðsson verður áfram aðstoðarritstjóri Frjálsrar fjölmiðlunar ehf. Þá er haft eftir Karli Garðarssyni framkvæmdastjóra Frjálsrar fjölmiðlunar í tilkynningu að það sé mikill fengur fyrir félagið að fá Lilju Katrínu í ritstjórastólinn.

„Við bjóðum hana velkomna til starfa, en framundan eru spennandi tímar hjá félaginu,“ segir Karl.

Rúmur mánuður er nú síðan Kristján Kormákur Guðjónsson sagði upp störfum sem aðalritstjóri DV. Hann gekk í kjölfarið til liðs við fjölmiðilinn Hringbraut.


Tengdar fréttir

Ritstjóri DV segir upp

Gengur til liðs við Hringbraut þar sem honum er ætlað að rífa upp aðsókn á vefinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*

Mesta lækkun dagsins


Félag
Br.%
Fjöldi
Velta*
Velkomin á Vísi. Þessi vefur notar vafrakökur. Sjá nánar.