Körfubolti

Kveikt á grillinu fjórum tímum fyrir leik

Ástrós Ýr Eggertsdóttir skrifar
Pallarnir hafa verið þétt setnir alla seríuna
Pallarnir hafa verið þétt setnir alla seríuna vísir/daníel

Í kvöld kemur í ljós hvort KR eða ÍR hampi Íslandsmeistaratitlinum í körfubolta karla þegar oddaleikur úrslitaseríunnar fer fram í DHL höllinni í Frostaskjóli.

Búast má við að það verði troðfullt hús í Vesturbænum enda stuðningsmannasveitir beggja liða mætt vel alla úrslitakeppnina og færri komust að en vildu í fjórða leik í Seljaskóla.

KR-ingar kveikja á grillinu strax klukkan 16:00 en leikurinn hefst klukkan 20:00 í kvöld.

Miðasala á leikinn opnar klukkan 17:00 í andyri DHL hallarinnar en einnig er hægt að nálgast miða á netinu. Hleypt verður inn í salinn frá 18:30. KR-ingar benda á að til að létta álagi á posakerfi sé fólk hvatt til þess að mæta með reiðufé.

KKÍ sendi frá sér tilkynningu í gær þar sem minnt var á að aðgönguskírteini KKÍ munu ekki gilda í hurðinni, heldur þurfa handhafar þeirra að mæta í DHL höllina á milli 13:00-14:00 til þess að tryggja sér miða, eða annars kaupa miða í miðasölu.

Fyrir þá sem ekki leggja leið sína í Vesturbæinn verður leikurinn í beinni útsendingu á Stöð 2 Sport. Þar hefst upphitun Kjartans Atla Kjartanssonar og félaga klukkan 19:00. Þá verður bein textalýsing frá leiknum á Vísi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.