Átök um fisk og kjöt á lokametrunum Aðalheiður Ámundadóttir skrifar 24. apríl 2019 08:00 Sex vikur eru eftir af þingvetrinum. vísir/vilhelm Mikið mun mæða á nefndum þingsins á síðustu vikum yfirstandandi þings. Einkum þó á atvinnuveganefnd þar sem mörg stór og umdeild mál eru til meðferðar. Má þar nefna frumvarp sjávarútvegs- og landbúnaðarráðherra um að heimila innflutning á ófrosnu kjöti, frumvarp um aflaheimildir í makríl, tvö frumvörp um fiskeldi og frumvarp sem ætlað er til að bregðast við vanda sauðfjárbænda. Þá er enn ótalið stærsta málið; þriðji orkupakkinn sem er til umfjöllunar bæði í atvinnuveganefnd og utanríkismálanefnd.Umdeild velferðarmál Þingkonan Halldóra Mogensen verður með tvær af rótgrónustu stofnunum samfélagsins í fanginu þetta vorið en hún er ekki aðeins formaður velferðarnefndar heldur einnig framsögumaður tveggja umdeildra mála sem þar eru til meðferðar. Annars vegar er um að ræða frumvarp heilbrigðisráðherra um neyslurými. Lögreglustjórinn á höfuðborgarsvæðinu hefur gagnrýnt frumvarpið mjög af lagatæknilegum ástæðum og hefur ríkissaksóknari tekið undir þá gagnrýni. Búast má við töluverðri vinnu við frumvarpið á vettvangi velferðarnefndar, eigi það að verða að lögum í vor. Frumvarp heilbrigðisráðherra um þungunarrof hefur hins vegar kallað á mikla gagnrýni trúargeirans og er frumvarpið einnig umdeilt í mörgum flokkum. Málið snertir á siðferðilegum álitaefnum um lífið sjálft, hvenær það telst kviknað og hvenær réttindavernd þess hefst.Mál sem gætu klofið Framsókn Frumvarp sjávarútvegs- og landbúnaðarráðherra um innflutning á hráu kjöti og eggjum gæti reynst Framsóknarflokknum erfitt. Mikil óánægja er með frumvarpið í grasrót flokksins og þeir flokksmenn sem Fréttablaðið ræddi við í síðasta mánuði voru sammála um að frumvarpsdrögin gengju of langt, ótækt væri að leyfa innflutning á hráu kjöti og að flokksforystan hlyti að koma í veg fyrir það. Þingmenn Miðflokksins og Flokks fólksins hafa talað mjög gegn frumvarpinu. Sigmundur Davíð Gunnlaugsson, formaður Miðflokksins, sagði málið fullveldismál í fyrstu umræðu um málið á Alþingi. „Með þessu væri ekki aðeins verið að bæta við þá efnahagslegu ógn sem íslenskur landbúnaður stendur frammi fyrir heldur væri verið að skapa nýja og mjög umtalsverða ógn við heilbrigði íslenskra manna og dýra,“ sagði Sigmundur í ræðustól og hvatti stjórnarflokkana til að standa á fyrri prinsippum flokka sinna í málinu. Frumvarp, sem ætlað er að bregðast við vanda sauðfjárbænda, gæti haft mótvægisgildi við frosna kjötið en Fréttablaðið hefur einnig greint frá lítilli trú flokksmanna í Framsókn á aðgerðaráætlun stjórnvalda vegna vanda sauðfjárbænda. Þriðji orkupakkinn er undir sömu sök seldur og frosna kjötið. Í öndverðu mjög umdeilt mál í stjórnarflokkunum og ekki síst í Framsókn. Miðflokkurinn og Flokkur fólksins eru þó einu flokkarnir sem standa fast gegn samþykkt.Laxinn Fiskeldismálin hafa verið eitt af stóru pólitísku málum vetrarins. Tvö frumvörp eru til umfjöllunar í atvinnuveganefnd; annars vegar um heildarendurskoðun fiskeldislaga og hins vegar um gjaldtöku í greininni.Kvótakerfið fest í sessi „Það er verið að setja reglur um tiltölulega nýja auðlind og festa hana við gamalt kerfi og umdeilt kerfi. Það er hvorki verið að opna á tækifæri fyrir nýliðun né innheimta sanngjarnt auðlindagjald,“ segir Þorgerður Katrín Gunnarssdóttir, formaður Viðreisnar, um makrílfrumvarp sjávarútvegsráðherra.Efnahagsmálin Tvö stór stefnumarkandi mál bíða afgreiðslu þingsins á sviði efnahagsmála. Annars vegar frumvarp fjármálaráðherra um þjóðarsjóð og hins vegar mál forsætisráðherra um fyrirhugaðar breytingar á stjórnskipulagi Seðlabankans. Þjóðarsjóður: Flestir sem veitt hafa umsögn um fyrirhugaðan þjóðarsjóð sem ætlað er að mæta óvæntum áföllum ríkissjóðs, hafa verið gagnrýnir á málið, ýmist á hugmyndina í heild sinni eða útfærslu frumvarpsins. Meðal gagnrýnenda eru ASÍ, Viðskiptaráð, fjármálaeftirlitið, Frosti Sigurjónsson og fleiri. Í umsögnum er meðal annars bent á að óheppilegt sé að sama aðila verði falið að annast vörslu sjóðsins, eignastýringu og annan rekstur. Brugðist hefur verið við gagnrýninni í minnisblaði fjármálaráðuneytisins til þingsins. Umdeildur samruni Fjármálaeftirlits og Seðlabanka Áform um sameiningu Fjármálaeftirlitsins og Seðlabankans hafa hlotið töluverða gagnrýni, meðal annars frá bankaráði Seðlabankans, um að ekki fari vel á því að sömu einstaklingar beri ábyrgð á rannsóknum og eftirliti annars vegar og hins vegar um leið þeirri kjarnastarfsemi Seðlabankans að móta peningastefnu og vera til ráðgjafar um stjórn efnahagsmála landsins. Undir þessa gagnrýni hefur Már Guðmundsson tekið að nokkru leyti og einnig umboðsmaður Alþingis sem sat fyrir svörum hjá stjórnskipunar- og eftirlitsnefnd um málefni Seðlabankans sama dag og málið var lagt fram á þingi. Í frumvarpi forsætisráðherra er lagt til að seðlabankastjórar verði fjórir og stýri hver um sig aðgreindum deildum Seðlabankans. Með því fyrirkomulagi verði ólík hlutverk stofnunarinnar frekar aðgreind. Fjármálaáætlun Útlit er fyrir umfangsmiklar breytingar á fjármálaáætlun ríkisstjórnarinnar vegna brostinna forsendna um hagvöxt, aflabrests, samdráttar í ferðaþjónustu, falls WOW air, kjarasamninga o.fl.Listageirinn ær vegna sviðslista Frumvarp menntamálaráðherra um sviðslistir kallaði fram hörð viðbrögð úr listageiranum þegar það var kynnt í samráðsgátt stjórnvalda.Fjölmiðlar og tjáningarfrelsi Mörg frumvörp tengd fjölmiðlum og tjáningarfrelsi eru til meðferðar í þinginu eða væntanleg til þings. Fjölmiðar hafa gagnrýnt fyrirhugaða þrengingu á myndatökum í dómsölum og áhyggjum lýst af breyttu fyrirkomulagi á birtingu dóma. Frumvarp sem fjallar um þessi atriði er til meðferðar í allsherjar- og menntamálanefnd. Annað mjög umdeilt frumvarp um hatursorðræðu bíður einnig meðferðar hjá nefndinni en markmið þess er að orða tiltekinn alvarleika ummæla til að þau teljist hatursorðræða. Er með frumvarpinu brugðist við gagnrýni á hatursorðræðuákvæði hegningarlagana sem leggur til dæmis bann við því að hafa megi uppi móðgangdi ummæli um trúarbrögð fólks. Frumvarpið hefur verið harðlega gagnrýnt, einkum á þeim grundvelli að um tilslökun gagnvart útlendingaandúð sé að ræða. Enn eitt tjáningarfrelsisfrumvarpið lýtur að einföldun á ákvæðum um þagnarskyldu opinberra starfsmanna en flókin umgjörð um þau þykir hafa staðið því fyrir þrifum að opinberir starfsmenn geti komið á framfæri málum sem eiga erindi til almennings. Breytingar á upplýsingalögum eru til meðferðar í stjórnskipunar- og eftirlitsnefnd en frumvarpið fellir bæði stjórnsýslu dómstóla og Alþingis undir gildissvið laganna. Frumvarp um breytingar á meiðyrðalöggjöfinni hefur ekki verið lagt fram á þingi en það var kynnt í samráðsgátt stjórnvalda fyrir nokkru. Viðbúið er að átök verði um boðað frumvarp menntamálaráðherra um stuðning við fjölmiðla en frumvarpið hefur ekki enn verið lagt fram á Alþingi. Búast má við miklum skoðanaskiptum um málið ekki eingöngu eftir flokkslínum heldur einnig innan flokka. Alþingi Birtist í Fréttablaðinu Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Halla fremst með 29,7 prósent í nýrri könnun Prósents Innlent Nefndin aldrei heyrt aðrar eins frásagnir en lítið að gerast Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent Fleiri fréttir Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Sjá meira
Mikið mun mæða á nefndum þingsins á síðustu vikum yfirstandandi þings. Einkum þó á atvinnuveganefnd þar sem mörg stór og umdeild mál eru til meðferðar. Má þar nefna frumvarp sjávarútvegs- og landbúnaðarráðherra um að heimila innflutning á ófrosnu kjöti, frumvarp um aflaheimildir í makríl, tvö frumvörp um fiskeldi og frumvarp sem ætlað er til að bregðast við vanda sauðfjárbænda. Þá er enn ótalið stærsta málið; þriðji orkupakkinn sem er til umfjöllunar bæði í atvinnuveganefnd og utanríkismálanefnd.Umdeild velferðarmál Þingkonan Halldóra Mogensen verður með tvær af rótgrónustu stofnunum samfélagsins í fanginu þetta vorið en hún er ekki aðeins formaður velferðarnefndar heldur einnig framsögumaður tveggja umdeildra mála sem þar eru til meðferðar. Annars vegar er um að ræða frumvarp heilbrigðisráðherra um neyslurými. Lögreglustjórinn á höfuðborgarsvæðinu hefur gagnrýnt frumvarpið mjög af lagatæknilegum ástæðum og hefur ríkissaksóknari tekið undir þá gagnrýni. Búast má við töluverðri vinnu við frumvarpið á vettvangi velferðarnefndar, eigi það að verða að lögum í vor. Frumvarp heilbrigðisráðherra um þungunarrof hefur hins vegar kallað á mikla gagnrýni trúargeirans og er frumvarpið einnig umdeilt í mörgum flokkum. Málið snertir á siðferðilegum álitaefnum um lífið sjálft, hvenær það telst kviknað og hvenær réttindavernd þess hefst.Mál sem gætu klofið Framsókn Frumvarp sjávarútvegs- og landbúnaðarráðherra um innflutning á hráu kjöti og eggjum gæti reynst Framsóknarflokknum erfitt. Mikil óánægja er með frumvarpið í grasrót flokksins og þeir flokksmenn sem Fréttablaðið ræddi við í síðasta mánuði voru sammála um að frumvarpsdrögin gengju of langt, ótækt væri að leyfa innflutning á hráu kjöti og að flokksforystan hlyti að koma í veg fyrir það. Þingmenn Miðflokksins og Flokks fólksins hafa talað mjög gegn frumvarpinu. Sigmundur Davíð Gunnlaugsson, formaður Miðflokksins, sagði málið fullveldismál í fyrstu umræðu um málið á Alþingi. „Með þessu væri ekki aðeins verið að bæta við þá efnahagslegu ógn sem íslenskur landbúnaður stendur frammi fyrir heldur væri verið að skapa nýja og mjög umtalsverða ógn við heilbrigði íslenskra manna og dýra,“ sagði Sigmundur í ræðustól og hvatti stjórnarflokkana til að standa á fyrri prinsippum flokka sinna í málinu. Frumvarp, sem ætlað er að bregðast við vanda sauðfjárbænda, gæti haft mótvægisgildi við frosna kjötið en Fréttablaðið hefur einnig greint frá lítilli trú flokksmanna í Framsókn á aðgerðaráætlun stjórnvalda vegna vanda sauðfjárbænda. Þriðji orkupakkinn er undir sömu sök seldur og frosna kjötið. Í öndverðu mjög umdeilt mál í stjórnarflokkunum og ekki síst í Framsókn. Miðflokkurinn og Flokkur fólksins eru þó einu flokkarnir sem standa fast gegn samþykkt.Laxinn Fiskeldismálin hafa verið eitt af stóru pólitísku málum vetrarins. Tvö frumvörp eru til umfjöllunar í atvinnuveganefnd; annars vegar um heildarendurskoðun fiskeldislaga og hins vegar um gjaldtöku í greininni.Kvótakerfið fest í sessi „Það er verið að setja reglur um tiltölulega nýja auðlind og festa hana við gamalt kerfi og umdeilt kerfi. Það er hvorki verið að opna á tækifæri fyrir nýliðun né innheimta sanngjarnt auðlindagjald,“ segir Þorgerður Katrín Gunnarssdóttir, formaður Viðreisnar, um makrílfrumvarp sjávarútvegsráðherra.Efnahagsmálin Tvö stór stefnumarkandi mál bíða afgreiðslu þingsins á sviði efnahagsmála. Annars vegar frumvarp fjármálaráðherra um þjóðarsjóð og hins vegar mál forsætisráðherra um fyrirhugaðar breytingar á stjórnskipulagi Seðlabankans. Þjóðarsjóður: Flestir sem veitt hafa umsögn um fyrirhugaðan þjóðarsjóð sem ætlað er að mæta óvæntum áföllum ríkissjóðs, hafa verið gagnrýnir á málið, ýmist á hugmyndina í heild sinni eða útfærslu frumvarpsins. Meðal gagnrýnenda eru ASÍ, Viðskiptaráð, fjármálaeftirlitið, Frosti Sigurjónsson og fleiri. Í umsögnum er meðal annars bent á að óheppilegt sé að sama aðila verði falið að annast vörslu sjóðsins, eignastýringu og annan rekstur. Brugðist hefur verið við gagnrýninni í minnisblaði fjármálaráðuneytisins til þingsins. Umdeildur samruni Fjármálaeftirlits og Seðlabanka Áform um sameiningu Fjármálaeftirlitsins og Seðlabankans hafa hlotið töluverða gagnrýni, meðal annars frá bankaráði Seðlabankans, um að ekki fari vel á því að sömu einstaklingar beri ábyrgð á rannsóknum og eftirliti annars vegar og hins vegar um leið þeirri kjarnastarfsemi Seðlabankans að móta peningastefnu og vera til ráðgjafar um stjórn efnahagsmála landsins. Undir þessa gagnrýni hefur Már Guðmundsson tekið að nokkru leyti og einnig umboðsmaður Alþingis sem sat fyrir svörum hjá stjórnskipunar- og eftirlitsnefnd um málefni Seðlabankans sama dag og málið var lagt fram á þingi. Í frumvarpi forsætisráðherra er lagt til að seðlabankastjórar verði fjórir og stýri hver um sig aðgreindum deildum Seðlabankans. Með því fyrirkomulagi verði ólík hlutverk stofnunarinnar frekar aðgreind. Fjármálaáætlun Útlit er fyrir umfangsmiklar breytingar á fjármálaáætlun ríkisstjórnarinnar vegna brostinna forsendna um hagvöxt, aflabrests, samdráttar í ferðaþjónustu, falls WOW air, kjarasamninga o.fl.Listageirinn ær vegna sviðslista Frumvarp menntamálaráðherra um sviðslistir kallaði fram hörð viðbrögð úr listageiranum þegar það var kynnt í samráðsgátt stjórnvalda.Fjölmiðlar og tjáningarfrelsi Mörg frumvörp tengd fjölmiðlum og tjáningarfrelsi eru til meðferðar í þinginu eða væntanleg til þings. Fjölmiðar hafa gagnrýnt fyrirhugaða þrengingu á myndatökum í dómsölum og áhyggjum lýst af breyttu fyrirkomulagi á birtingu dóma. Frumvarp sem fjallar um þessi atriði er til meðferðar í allsherjar- og menntamálanefnd. Annað mjög umdeilt frumvarp um hatursorðræðu bíður einnig meðferðar hjá nefndinni en markmið þess er að orða tiltekinn alvarleika ummæla til að þau teljist hatursorðræða. Er með frumvarpinu brugðist við gagnrýni á hatursorðræðuákvæði hegningarlagana sem leggur til dæmis bann við því að hafa megi uppi móðgangdi ummæli um trúarbrögð fólks. Frumvarpið hefur verið harðlega gagnrýnt, einkum á þeim grundvelli að um tilslökun gagnvart útlendingaandúð sé að ræða. Enn eitt tjáningarfrelsisfrumvarpið lýtur að einföldun á ákvæðum um þagnarskyldu opinberra starfsmanna en flókin umgjörð um þau þykir hafa staðið því fyrir þrifum að opinberir starfsmenn geti komið á framfæri málum sem eiga erindi til almennings. Breytingar á upplýsingalögum eru til meðferðar í stjórnskipunar- og eftirlitsnefnd en frumvarpið fellir bæði stjórnsýslu dómstóla og Alþingis undir gildissvið laganna. Frumvarp um breytingar á meiðyrðalöggjöfinni hefur ekki verið lagt fram á þingi en það var kynnt í samráðsgátt stjórnvalda fyrir nokkru. Viðbúið er að átök verði um boðað frumvarp menntamálaráðherra um stuðning við fjölmiðla en frumvarpið hefur ekki enn verið lagt fram á Alþingi. Búast má við miklum skoðanaskiptum um málið ekki eingöngu eftir flokkslínum heldur einnig innan flokka.
Alþingi Birtist í Fréttablaðinu Mest lesið Fannst látinn í klefa sínum á Litla Hrauni Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Halla fremst með 29,7 prósent í nýrri könnun Prósents Innlent Nefndin aldrei heyrt aðrar eins frásagnir en lítið að gerast Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Segir viðmælendur sitja undir hótunum netaktívista Innlent Reiðir yfir ummælum Macrons og halda æfingar með kjarnorkuvopn Erlent Lík þriggja brimbrettakappa fundust í brunni í Mexíkó Erlent Fleiri fréttir Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Tjá sig ekkert um gang Hamraborgarrannsóknarinnar Hindraði mann sem ætlaði að komast úr bíl við Bónusbúð Segir viðmælendur sitja undir hótunum netaktívista Glórulausar framkvæmdir raski velferð íbúa hjúkrunarheimilis Fannst látinn í klefa sínum á Litla Hrauni Vinnubrögðin gátu leitt til dauða Halla fremst með 29,7 prósent í nýrri könnun Prósents Viðræður „á viðkvæmu stigi“ og fundi frestað til morguns Stærsti skjálftinn 3,5 að stærð Áslaug Arna mjólkar vel í fjósinu á Hvanneyri Líklega fundað fram eftir kvöldi Til vandræða á hóteli og réðst svo á mann við Hlemm Lífshættuleg meðhöndlun barna á vöggustofum og þrír eftir í bakgarðshlaupi Karlar líklegri að ljúga á kostnað annarra Hafi orðið fyrir þrýstingi úr ólíkum áttum „Ódýrt“ að gera samningana tortryggilega Sjá meira